Smiley face
Smiley face
Smiley face

خۆپیشاندان دژی ئەنجامی ھەڵبژاردن دەستپێدەکات

2018-05-17 18:17:00



ڕۆژنیوز - سلێمانی

 

٢٢ ڕێکخراوی کۆمەڵی مەدەنی ڕایانگەیاند، کە ھەفتەی داھاتوو دژی ئەنجامی ھەڵبژاردن خۆپشاندان ئەنجامدەدەن، داواشیان کرد بەرپرسانی کۆمسیۆن دادگایی بکرێن.

 

کاتژمێر ٠٤:٠٠ی ئێوارەی ئەمڕۆ، ٢٢ ڕێکخراوی کۆمەڵی مەدەنی، لە بارەگای ڕێکخراوی قوتابیانی کوردستان لە شاری سلێمانی، بۆ ئەنجامدانی خۆپیشاندان دژی ئەنجامی ھەڵبژاردنی ئەنجومەنی نوێنەرانی عێراق، کۆبوونەوەیەکیان ئەنجامدا.

 

لە کۆنگرەیەکی ڕۆژنامەنووسیدا، بێستوون حەمەساڵح، بەناوی ڕێکخراوەکانی کۆمەڵی مەدەنییەوە قسەی  وتی:"وەک ٢٢ ڕێکخراوی کۆمەڵی مەدەنی، ئەنجامی ھەڵبژاردن ڕەتدەکەینەوە و پێمان وایە یەکێتی و پارتی ساختەکارییان لە ھەڵبژاردندا ئەنجامداوە.

 

 

وتیشی: داوادەکەین بەرپرسانی کۆمسیۆن و دادگایی بکرێن و ئەنجامی ھەڵبژاردن ڕەتبکرێتەوە.

 

هەر لە کۆنگرە ڕۆژنامەنووسییەکەدا، نزار محەمەد، چالاکوانی کومەڵی مەدەنی، قسەیکردو وتی: ھەفتەی داھاتوو خۆپیشاندان دژی ئەنجامی هەڵبژاردن ئەنجامدەدەین و داواش دەکەین ھەڵبژاردن دووبارە ئەنجامبدرێتەوە.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin