Smiley face
Smiley face
Smiley face

کۆنفرانسی گەنجانی ڕۆژهەڵاتی ناوەڕاست دواخرا

2018-05-17 14:42:21



ڕۆژنیوز - سلێمانی

 

کۆنفرانسی گەنجانی ڕۆژهەڵاتی ناوەڕاست لە ژێر دروشمی "کێشەکانی گەنجان لە ڕۆژهەڵاتی ناوەڕاست و ڕێگاچارەی دیموکراتییانە"، دواخرا بۆ ٢٥/ ئایار.

 

نیوەڕۆی ئەمڕۆ، لە بارەگای کۆمەڵەی گەنجانی وڵاتپارێزی وکردستان لە شاری سلێمانی، کۆنگرەیەکی ڕۆژنامەنووسیی سەبارەت بە کۆنفرانسی گەنجانی ڕۆژهەڵاتی ناوەڕاست، کە بڕیاربوو سبەینێ لەژێر دروشمی"کێشەکانی گەنجان لە ڕۆژهەڵاتی ناوەڕاست و ڕێگاچارەی دیموکراتییانە" ببەسترێت، کۆمیەتی ئامادەکاری کۆنفرانس کۆنگرەیەکی ڕۆژنامەنووسیی ئەنجامدا.

 

هێرش شارەزووریی، ئەندامی کۆمیتەی ئامادەکاری کۆنفرانس ڕایگەیاند: هەموو ئامادەکارییەکان بۆ بەستنی کۆنفرانسی گەنجان بەڕێوەچووبوو، بەڵام بەهۆی کێشەی ڕێگاوە لە لوبنان و تورکیا و سوریا و ئێران ئەندامەکان نەیانتوانیوە بەشدارببن، وە بەشداریی ئەوانیش گرنگیەکی زۆری هەیە.

 

 

هێرش وتیشی: بڕیارماندا کۆنفرانسەکە دوابخەین بۆ ٢٥/ئایار و بەهەمان شێوە و بەرنامە پێشکەش دەکرێت.

 

بڕیار بوو ڕۆژی ١٨/ئایار/٢٠١٨ کاتژمێر ٩:٠٠ لە هۆڵی تەوار لە شاری سلێمانی، بە بەشداری زیاتر لە ٣٠٠ گەنجی هەر چوارپارچەی کوردستان و ڕۆژهەڵاتی ناوەڕاست، یەکەمین کۆنفرانسی گەنجانی ڕۆژهەڵاتی ناوەڕاست بەڕێوبچێت و یەک ڕۆژ بەردەوام بێت.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin