Smiley face
Smiley face
Smiley face

٧٤ قامچی لە شاعیرێکی کورد دەدرێت

2018-05-17 13:46:27



ڕۆژنیوز - ناوەندی هەواڵەکان


عەلیڕەزا سپاهی لائین، شاعیری کوردی خەڵکی خۆراسانی ڕۆژهەڵاتی ئێران بە لێدانی ٧٤ قامچی سزادرا.


دادگای ئێران بە تۆمەتی "بێڕێزیکردن بە کارمەندەکانی حکومەت" سزای ٧٤ قامچیی بەسەر عەلیڕەزا سپاهی لائین، شاعیر و ڕۆژنامەنووسی کورد دا سەپاند.


ڕاگەیەندراوە، کە دادگا سەرەتا بڕیاری ئازادکردنی لائینی بە مەرجی دانانی بارمتە دەرکردووە، بەڵام بۆ ئەوەی خانەوادەی لائینی بارمتەکە ئامادە بکەن و بیبەنە بەردەم دادوەر تەنیا نیوکاتژمێر کاتیان پێدراوە.


خانەوادەکەی ناڕەزاییان دەربڕیوە، کە لە نیوکاتژمێڕدا مەحاڵە بتوانن بارمتە بگەیەننە دەستی دادوەر، لائینیش پێی وتووە"منداڵێکیش دەزانێت، کە لە نیوکاتژمێردا بارمتە ئامادە ناکرێت".


دادوەر ئەوەی بە بێڕێزیکردن بە کارمەندی حکومەت لە قەڵەمداوە و پاشان سزای ٧٤ قامچیی بەسەر عەلیرەزا سپاهی لائینیدا سەپاندووە.


عەلیرەزا سپاهی لائین لە کۆتاییەکانی ساڵی ٢٠١٧دا بە تۆمەتی "شێواندنی ڕایگشتی" و بەهۆی نووسینی وتارێک بەناوی "نەزانی، بەتواناترە لە لافاو" دەستگیرکرابوو و پاشان بەدانانی بارمتەیەک بە بەهای ٢٠ ملیۆن تمەن ئازادکرابوو، دانیشتنی دادگاکەی لەم هەفتەیەدا بەڕێوەچوو و سزای ٧٤ قامچییەکەشی دوێنێ ڕاگەیەندرا.


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin