Smiley face
Smiley face
Smiley face

بەرەی تورکمانیی ئەنجامی دەنگدان ڕەتدەکاتەوە

2018-05-16 11:39:53



ڕۆژنیوز - هەولێر

 

بەرەی تورکمانیی هەڵبژاردنەکانی ١٢ی ئایار ئەنجومەنی نوێنەرانی عێراق ڕەتدەکاتەوە و داوا دەکات دەنگەکان بە دەست ئەژمار بکرێنەوە.

 

ئەمڕۆ کاتژمێر ١١:١٥ خولەک لە شاری هەولێر ئایدن مەعروف، ئەندامی سەرکردایەتی بەرەی تورکمانیی کۆنگرەیەکی ڕۆژنامەنووسیی ئەنجامدا و هەڵوێستی خۆیان لەبەرامبەر ئەنجامی هەڵبژاردنەکان ڕاگەیاند.

 

ئایدن مەعروف، لە هەڵبژاردنی ١٢ی ئایار-دا نەمانتوانی نمونەیەکی جوان نیشان بدەین و ئێمە و لایەنە سیاسیەکانی تریش گلەییمان هەیە، چونکە ساختەکاری زۆر کراوە، بۆیە وەک بەرەی تورکمانیی ئەو ئەنجامە ڕەت دەکەینەوە.

 

وتیشی: وەک پێویست سیستمی ئەلیکترۆنیی کاری پێنەکراوە، بۆیە داوامان لە کۆمیسیۆن کردووە ئەنجامەکان لە کەرکوک و هەریمی کوردستان بە دەست ئەژمار بکرێن.

 

وابڕیارە تورکمانەکان سبەی کاتژمێر چواری دوای نیوەرۆ لەبەردەم بارەگای نەتەوەیەکگرتووەکان لە شاری هەولێرخۆپیشاندانێک بکەن و بەیاننامەی ناڕەزایەتیش ئاڕاستەی هەریەک لە نەتەوەیەکگرتووەکان و یەکێتی ئەوروپا و کونسوڵخانەکان بکەن.

 

دوای ڕاگەیاندنی ئەنجامی بەرەیی هەڵبژاردنی ئەنجومەنی نوێنەرانی عێراق، جگە لە دوو حزبی دەسەڵات، حزب و لایەنەکانی دیکەی باشوری کوردستان ئەنجامی دەنگدانەکانیان ڕەت کردەوە و دەڵێن، کە "لە بەرژەوەندیی یەکێتی و پارتی، دەستکاریی دەنگەکان کراوە".

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin