Smiley face
Smiley face
Smiley face

کۆمیتەی شەهیدان: ٢١ ساڵە وەڵام لەبارەی کۆمەڵکوژیی هەولێرەوە وەرنەگیراوەتەوە

2018-05-16 10:27:33



ڕۆژنیوز – ناوەندی هەواڵەکان

 

کۆمیتەی شەهیدانی پەکەکە لە باشور، کۆمەڵکوژکراوانی هەولێر بەبیردەهێنێتەوە و دەڵێت: ٢١ ساڵ داواکاریی بێ وەڵام لەبارەی بێ سەروشوێنبوونی ئەو هەڤاڵانەمانەوە، ئه‌وه‌ ده‌گه‌یه‌نێت، کە دامودەزگاکانی حکومەت هیچ توانایەکیان نییە و ئه‌م ده‌سه‌ڵاتەش‌ له‌ خزمه‌تى هێزه‌کانى داگیرکه‌راندانیه‌.

 

ئەمڕۆ ٢١ ساڵ تێدەپەڕێت بەسەر کۆمەڵکوژیی هەولێر و کۆمیتەی خانەوادەی شەهیدانی پەکەکە لە باشوری کوردستان-یش ڕاگەیەندراوێکی لەوبارەیەوە بڵاوکردەوە.

 

کۆمیتەی خانەوادەی شەهیدانی پەکەکە، بەبیری دێنێتەوە، کە ئەوە "لە ١٦/٥/١٩٩٧ به‌ پیلانێکى له‌ ناکاو له‌لایه‌ن هێزه‌کانى پارتى دیموکراتى کوردستان-عێراق له‌ هه‌ولێر و به‌ تایبه‌ت به‌رپرسانى هێزى پیشمه‌رگه‌ و هێزى تایبه‌ت، که‌ له‌لایه‌ن جمال مۆرتکه‌وه‌ سه‌رپه‌رشتى ده‌کرا، هێرشی کرایە سەر  ناوه‌نده‌کانى ( مانگى سورى کوردستان، چاند و هونه‌رى میزۆپۆتامیا، یه‌کێتی نه‌ته‌وه‌یى دیموکراتى کوردستان و  گه‌نجان)".

 

هەروەها، هاتووە:"لەو هێرشەدا، کە بە دەستی پارتی ئەنجامدرا ٨٠ هەڤاڵمان بێ سەروشوێن بوون و هه‌تا ئێستا وه‌ڵامى خانه‌واده‌کانییان نەدراوەتەوە، که‌ به‌ جۆره‌ها ڕێکارى یاسایى داخوازییان ئاراسته‌ى داموده‌زگاکانى مافى مرۆڤ وده‌سته‌ى مافى مرۆڤ له‌ په‌رله‌مانى هه‌رێمى کوردستان و سه‌رۆکایه‌تى په‌رله‌مان و سه‌رۆکایه‌تى هه‌رێم و ئه‌نجومه‌نى وه‌زیران کردووە، بۆئەوەی  به‌دواداچون بکرێت له‌  شوێنیان ئه‌گه‌ر ماون له‌ ته‌رمه‌کانیان ئه‌گه‌ر نه‌ماون، بەڵام وه‌ڵام وه‌رنه‌گیراوه‌ته‌وه‌".

 

لە بەردەوامیی ڕاگەیەندراوەکەدا هاتووە:"به‌ درێژایى ٢١ ساڵ داواکاریى بێ وه‌ڵام له‌لایه‌ن داموده‌زگاکانى هه‌رێمى کوردستانه‌وه‌ ئه‌وه‌ ده‌گه‌یه‌نێت، که‌ هیچ توانایه‌کى نییه‌ و ده‌سه‌ڵاتى حیزبى زیاتره‌ وئه‌م ده‌سه‌ڵاته‌ش زیاتر له‌ خزمه‌تى هێزه‌کانى داگیرکه‌راندانیه‌".

 

لە کۆتایی ڕاگەیەندراوەکەدا هاتووە:"وه‌ک کۆمیته‌ى خانه‌واده‌ى شه‌هیدانى په‌که‌که‌ له‌ بیرهێنانى  کۆمه‌ڵکوژیی ئه‌م  پۆله‌ هه‌ڤاڵه‌ سه‌رى ڕێز داده‌نه‌وێنین وله‌ هه‌مان کاتدا ئه‌م کرده‌وه‌ نامرۆڤانه‌یه‌ ڕسوا و شه‌رمه‌زار ده‌که‌ین سۆز ده‌ده‌ین که‌ ڕێگایان به‌ر ناده‌ین".

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin