Smiley face
Smiley face
Smiley face

ئەو کۆبوونەوەی ئەنجومەنی ئاسایش بۆ غەزەی کرد ئاڵۆزی تێکەوت

2018-05-16 08:46:30



ڕۆژنیوز - ناوەندی هەواڵەکان

 

شەوی ڕابردوو ئەنجومەنی ئاسایشی نەتەوە یەکگرتووەکان لەبارەی غەزەوە کۆبوونەویەکی بەپەلەی ئەنجامدا، لە کۆبوونەوەکەدا ئاڵۆزی و دەمەقاڵە لە نێوان نوێنەرانی فەلەستین و ئیسرائیلدا ڕوویدا.

 

ڕۆژی دوو شەممە لە ئەنجامی هێرشی هێزەکانی ئیسرائیل بۆسەر خۆپیشاندەرانی فەلەستینی لەسەر سنوورەکانی غەزە، ٥٨ خۆپیشاندەر کوژران و زیاتر لە دوو هەزار کەسیش برینداربوون، ئەنجومەنی ئاسایش لەو بارەیەوە کۆبووەوە.

 

ڕۆژی دووشەممە ٧٠یەمین ساڵیادی دامەزرانی حکومەتی ئیسرائیل و ڕۆژی جێبەجێکردنی بڕیاری ترامپ بۆ گواستنەوەی باڵیۆزخانەی ئەمریکا لە تەل ئەبیبەوە بۆ قودس بوو.

 

هاوڵاتیانی غەزە لەدژی ئەو بڕیارە خۆپیشندانی جەماوەرییان ئەنجامدا و لە بەرامبەر هێرشێکی دڕندانە کرایە سەریان.

 

شەوی ڕابردوو ئەنجومەنی ئاسایش بەخولەکێک بێدەنگی بۆ ڕێزگرتن لە کوژراوانی غەزە دەستیپێکرد.

 

ڕیاز مەنسور، نوێنەری فەلەستینییەکان لە ئەنجومەنی ئاسایشدا وتی: بە توندترین شێوەکان کۆمەڵکوژیی ئیسرائیل لە غەزە شەرمەزار دەکەین، پێویستە کۆمەڵگەی نێودەوڵەتی لەو بارەیەوە لێکۆڵینەوەی ڕوون بکات، ئەوەی لە غەزە روویدا تاوانێکی جەنگی و تاوانێکی دژەمرۆیانە بوو.

 

دەنی دانۆن، نوێنەری ئیسرائییش وتی: ئەوە لە غەزە پێکهاتبوو خۆپیشاندانی ناڕەزایی نەبوو، بەڵکو هێرشێکی توندوتیژانە بوو، حەماس خەڵکی غەزەی بەبارمتە گرتووە.

 

هەروەها نیکی هیلی، باڵیۆزی ئەمریکا لە ئەنجومەنی ئاسایشیش وتی: هیچ وڵاتێک وەک ئیسرائیل دان بە جەرگیدا نانێت، کوژرانی هاوڵاتیان دەبێت لۆمە  بکرێت، بەڵام بیرمان نەچێت کە حەماس لەوەی ڕوویدا خۆشحاڵە.

 

ئەڵمانیا، بەریتانیا، ئیرلەند و بەلجیکا داوایان کرد، کە لەو بارەیەوە لێکۆڵینەوە ئەنجام بدرێت.

 

کوێتیش ڕەشنووسێک ئامادەدەکات، کە بەپێی ئەو گیانی هاوڵاتیان بپارێزرێت.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin