Smiley face
Smiley face
Smiley face

کەنەکە: پێویستە و ئیسرائیلی و فەلەستینییەکان پێکەوەژیان هەلبژێرن

2018-05-15 14:30:31



ڕۆژنیوز - ناوەندی هەواڵەکان

 

کۆنگرەی نەتەویی کوردستان- کەنەکە، لەبارەی تێکهەڵچووەنەکانی دوێنێ و ئەمڕۆی غەزەوە ڕاگەیەندراوێکی بڵاوکردەوە و ڕایگەیاند، کە پێویستە ئیسرائیلی و فەلەستینییەکان پێکەوەژیان هەڵبژێرن.

 

ئەمڕۆ کۆنسەی بەڕێوبەریی کەنەکە بەبڵاوکردنەوەی ڕاگەیەندراوێک هێڕش بۆسەر هاوڵاتیانی مەدەنەیی فەلەستینیی شەرمەزار کرد.

 

لە ڕاگەیەندراوی کەنەکەدا هاتووە: رۆژهەڵاتی ناوەڕاست خۆی پڕە لە کێشە و گرفت، بەداخەوە لەو جوگرافیەدا کێشە و پرسەکان بە دیالۆگ چارەسەر ناکرێن، یەکێک لەو کێشانەش ناکۆکی نێوان ئیسرائیلی و فەلەستینیەکانە کە دەیان ساڵە چارەسەر ناکرێت، بەپێی واقیعی ئەمڕۆ و هەبوونی خەڵک لەو هەرێمەدا، فۆڕمێکی گونجاوی لە خۆ نەگرتووە و رێگاچارەیەکی شیاوی نەگرتۆتە بەر، دەرفەت ئەوەیە کە لە دنیای ئەمڕۆدا ئیسرائیل و فەلەستین وەک دوو دەوڵەتی دراوسێ و خاوەن ماف، لە ئاشتییەکی بەردەوام و سەقامگیردا لە تەنیشت یەکترەوە بژین.

 

لە بەشێکی دیکەدا کەنەکە ڕایگەیاندووە: فراوانکردنی شەڕ و قوڵکردنەوەی کێشەکان لەسەر قودس و پیرۆزییە ئاینیەکانی تریش، بۆ هەردوو دەوڵەتی ئیسرائیل و فەلەستین و خەڵکی ئەو دوو وڵاتەش سوودێکی ئەوتۆیان نییە، بەداخەوە هەر لایەک کێشەو دوژمنایەتیەکان قووڵتر دەکاتەوە، ئەمەش رێگا لە دیالۆگ و رێچارەی ئاشتیانە ئەگرێت، زیانێکی زۆریش بە خەڵکی ئەو دوو وڵاتە دەگەیەنێت و ناوچەکەش بەرەو نائارامی و ناسەقامگیریی زیاتر ئەبات.

 

کەنەکە لەکۆتاییدا ڕایگەیاندووە: کۆنگرەی نەتەوەیی کوردستان داوا لە رێبەرانی ئیسرائیل و فەلەستین دەکات کە چیتر سەنگەری دوژمنانە بەرامبەر یەکتر نەگرن، هەمانکات کێشەکانیان بە دیالۆگ و مێتۆدی ئاشتی چارەسەربکەن، پێکەوەژیان قبوڵ بکەن و رێز لە پیرۆزییەکانی یەکتر بگرن، هەروەها کۆنگرەی نەتەوەیی کوردستان داوا لە دەوڵەتی ئیسرائیل دەکات کە بەرامبەر خەڵکی سڤیل و ناڕەزایەتی دەربڕینی ئاشتیانەو دیموکراتی، ئارامی هەبێت و پەنا بۆ زەبروزەنگ نەبات.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin