Smiley face
Smiley face
Smiley face

لەبارەی رێککەوتنە ئەتۆمییەکەی ئێرانەوە ئەمڕۆ ترامپ بڕیاردەدات

2018-05-08 11:02:03



ڕۆژنیوز - ناوەندی هەواڵەکان

 

دۆناڵد ترامپ ئەمڕۆ، واتە چوار ڕۆژ پێش ڕۆژی دیاریکراو بۆ بڕیاردان لەبارەی ڕێککەوتنە ئەتۆمییەکانی نێوان ئەمریکا و ئێرانەوە، بڕیارەکەی ڕادەگەیەنێت.

 

شەوی ڕابردوو دۆناڵد ترامپ، سەرۆکی ئەمریکا لە تویتێکدا ڕایگەیاند، کە ئەمڕۆ بڕیاری کۆتایی لەبارەی ڕێککەوتنە ئەتۆمییەکانی ئەمریکا لەگەڵ ئێران دەردەکات.

 

ترامپ پێشتر تا ڕۆژی ١٢ی ئایار مۆڵەتی دابووە وڵاتانی بەریتانیا، ئەڵمانیا و فەرەنسا بۆ ئەوەی چالاکییە موشەکییەکانی ئێران لە ڕێککەوتنی ئەتۆمی نێوانیدا سنوورداربکەنەوە، بەڵام ڕایگەیاندووە کە ئەمڕۆ بڕیاری کۆتایی خۆی دەردەکات.

 

لە ئەگەری چوونەدەرەوەی ئەمریکا لە ڕێککەوتنی ئەتۆمی نێوان ئێران و ئەمریکادا، دیسانەوە نەوتی ئێران بایکۆت دەکرێت.

 

حەسەن ڕۆحانی، سەرۆک کۆماری ئێڕان شەوی ڕابردوو ڕایگەیاند، تەنانەت ئەگەر ئەمریکاش لە ڕێککەوتنەکە بچیتە دەرەوە ئەگەری هەیە کە ئێران پابەند بمێنێت بەو ڕێککەوتنەوە.

 

لەلایەکی دیکەوە فەرماندە پلەبەرزەکانی سوپای پاسداران بە پێچەوانەی قسەکانی ڕۆحانی ڕایانگەیاندووە، کە ئەگەر ئەمریکا لە ڕێککەوتن بچێتە دەرەوە ئێران پیتاندنی ئۆرانیۆم دەستپێدەکاتەوە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin