Smiley face
Smiley face
Smiley face

پێشانگایه‌کى هاوبه‌شى فۆتۆگرافیی و شێوه‌کاریی کرایه‌وه‌

2018-05-07 13:01:38



ڕۆژنیوز - سه‌یدسادق


له‌ پێشانگایه‌کی هاوبه‌شدا کاره‌ هونه‌رییه‌کانی فۆتۆگرافه‌رێک و کچه‌ شێوه‌کارێکی شارۆچکه‌ی سه‌یدسادق له‌ فاکه‌ڵتی په‌روه‌رده‌ی زانسته‌ مرۆڤایه‌تییه‌کان خرانه‌ڕوو.


ئه‌مڕۆ له‌ بینای فاکه‌ڵتی په‌روه‌رده‌ی زانسته‌ مرۆڤایه‌تییه‌کانی زانکۆی سلێمانی له‌ شارۆچکه‌ی سه‌یدسادق، به‌ ئاماده‌بوونی مامۆستایان و خوێندکارانی زانکۆ، پێشانگایه‌کی هاوبه‌شی شێوه‌کاریی و فۆتۆگرافیی به‌ڕێوه‌چوو.


له‌ پێشانگا هاوبه‌شه‌که‌دا ٢٥ تابلۆی فۆتۆگرافیی و شێوه‌کاریی نمایشکرابوون، به‌ جۆرێک ١٥ تابلۆی کچه‌ خوێندکار و شێوه‌کار، چرۆ سه‌لاحه‌دین و هاوکات ١٠ تابلۆی فۆتۆیی فۆتۆگرافه‌ر هه‌ڵۆ جه‌باریی، نمایشکرابوون، تابلۆ فۆتۆگرافه‌رییه‌کان گوزارشتیان له‌ ژیانی ئاسایی هاوڵاتیانی سنوری شارۆچکه‌ی سه‌یدسادق ده‌کرد و تابلۆ شێوه‌کارییه‌کانیش گوزارشتیان له‌ ئازادیی و خۆشه‌ویستیی ده‌کرد.


ئامانجی کردنه‌وه‌ی پێشانگا هاوبه‌شه‌که‌ بۆ خسته‌ڕووی تواناکانی ئه‌و شێوه‌کار و فۆترگرافه‌ره‌ بوو، هاوکات هه‌وڵێکیش بوو بۆ ئه‌وه‌ی که‌ هانده‌رێک بێت بۆ خوێندکارانی دیکه‌ تا تواناکانی خۆیان بخه‌نه‌ڕوو.

 


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin