Smiley face
Smiley face
Smiley face

ژنێک بە "بڕنۆ" خۆی کوشت

2018-05-06 18:01:29



ڕۆژنیوز – ناوەندی هەواڵەکان

 

ژنێکی تەمەن ١٨ ساڵ لە شارەدێی سەرکەپکان، بە چەکی جۆری "بڕنۆ" خۆی کوشتووە.

 

بەگوێرەی ڕاگەیەندراوێکی پۆلیسی ئیدارەی ڕاپەڕین، کاتژمێر ٠٣:٣٠ خولەکی پاشنیوەڕۆی ئەمڕۆ، تەرمی ژنێکی دانیشتووی گوندی قەڵا سەیدە-ی سەر بە شارەدێی سەرکەپکان-ی سەر بە شارۆچکەی ڕانیەی ناوەندی ئیدارەی ڕاپەڕین، گەیەنراوەتە نەخۆشخانەی گشتیی ڕانیە.

 

لە ڕاگەیەندراوەکەدا، ئەوە خراوەتەڕوو: ژنەکە تەمەنی ۱۸ ساڵ بووە و ناوی (ها.م.ح)ە و پیشەی خوێندکار بووە، دوای دەرچوونی هێزەکانمان لە بەڵگە و تاوان و بنکەی پۆلیسی سەرکەپکان بۆ شوێنی ڕووداوەکە، دەستگیرا بەسەر چەکی بەکارهاتوو لە جۆری چەکی (بڕنۆ) لەگەڵ یەک قەوانی تەقیو لە هەمان جۆری چەک.

 

هەر لە ڕاگەیەندراوەکەی پۆلیسی ڕاپەڕین-دا، هاتووە: دەستبەجێ ڕێکاری یاسایی گیرایە بەر و بەگوێرەی وتەی کەسوکاری، دەرکەوت ناوبراو بەتەنیا لە ژوورێکی ماڵەکەی خۆیاندا دوای ئەوەی دەرگای لەسەر خۆیدا داخستووە و بەچەکی بڕنۆ یەک فیشەکی ناوە بەخۆیەوە و بەو هۆیەشەوە گیانی لەدەستداوە.

 

پۆلیسی ڕاپەڕین، ڕاشیگەیاندووە: تەرمی ناوبراو گواسترایەوە بۆ پزیشکاری دادوەریی ڕانیە و دوای ئەنجامدانی توێکاری پزیشکیی بۆ تەرمەکە، ڕادەستی کەسوکاری کرایەوە.

 

لەکۆتایی ڕاگەیەندراوەکەدا، پۆلیسی ڕاپەڕین ئاماژەی بەوەشکردووە، کە دۆسیەی لێکۆڵینەوە بۆ ڕووداوەکە کرایەوە و لێکۆڵینەوە لە ڕووداوەکە بەردەوامە، کەسیش لەسەر ڕووداوەکە دەستگیر نەکراوە.

 

به‌پێی ئامارێک، که‌ ڕۆژنیوز لای خۆی کۆی کردووه‌ته‌وه‌، له‌ سه‌ره‌تای ئه‌مساڵه‌وه‌ تا ئێستا له‌ باشوری کوردستان ١٢٧ هاوڵاتی خۆیان کوشتووه‌ یان کوژراون.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin