Smiley face
Smiley face
Smiley face

هەرێمی کوردستان، لە چوار مانگدا ١١ کرێکار گیانیان لەدەستداوە

2018-05-02 09:23:32



ڕۆژنیوز- بڕیار محەمەد

 

لە ماوەی چوار مانگی ڕابردوودا ١١ کرێکاری هەرێمی کوردستان لەکاتی کارکردندا گیانیان لەدەستداوە و ئامارەکە بە بەراورد بە ساڵی ڕابردوو کەمیکردووە، بەڕێوبەری ڕاگەیاندنی لقی هەولێری سەندیکای کرێکاران-یش هۆکارەکەی بۆ کەمبوونەوەی کار دەگەڕێنێتەوە، نەک باشبوونی شوێنی کارەکان.

 

بەگوێرەی ئامارێک، کە ڕۆژنیوز لە هەنگاو محەمەد، سەرۆکی سەندیکاکانی هەرێمی کوردستانەروە وەریگرتووە، لە چوار مانگی ڕابردوو-دا لە هەرێمی کوردستان ١١ کرێکار لەکاتی کارکردندا گیانیان لەدەستداوە، ئەمە لەکاتێکدایە، لە چوار مانگی یەکەمی ساڵی ٢٠١٧ ١٤ کرێکار لەکاتی کارکردندا گیانیان لەدەستدابوو.

 

هەروەها، لە ساڵی ٢٠١٧-دا بەگشتیی ٤٢ کرێکار لەکاتی کارکردن-دا گیانیان لەدەستدابوو.

 

حەسەن ڕەمەزان، بەرێوبەری ڕاگەیاندنی لقی هەولێری سەندیکای کرێکاران لە لێدوانێکیدا بۆ ڕۆژنیوز، هۆکاری  گیانلەدەستدانی ئەو کرێکارانەی، بۆ نەبوونی مەرجەکانی سەلامەتیی لە شوێنی کار-دا گێڕایەوە.

 

حەسەن ڕەمەزان 

 

حەسەن ڕەمەزان، وتیشی: لە سنوری پارێزگای هەولێر لە چوار مانگی ڕابردوو کرێکارێک گیانی لەدەستداوە لەگەڵ کوڕی خاوەن کارێک کەئەویش بەهۆی سوتانی هوتێلێکەوە بووە. 

 

لەبارەی کەمبوونەوەی ئامارەکانی گیان لەدەستدان، حەسەن رەمەزان، پییوابوو، کە هۆکارەکەی کەمبوونەوەی کار و وەستانی پرۆژەکانە.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin