Smiley face
Smiley face
Smiley face

لە یۆنان مانگرتن بۆ ئازادیی ئۆجالان بەڕێپێوانێک کۆتاییهات

2018-04-26 15:07:09



ڕۆژنیوز - ناوەندی هەواڵەکان

 

مانگرتن لە خواردن بۆ ئازادیی عەبدوڵا ئۆجالان، ڕێبەری پەکەکە، کە سێ ڕۆژ پێش ئێستا لە ئەسینای پایتەختی یۆنان دەستیپێکردبوو، بە ئەنجامدانی ڕێپێوانێک کۆتاییپێهات.

 

ئەمڕۆ لە ئەسینای پایتەختی یۆنان، بە ئەنجامدانی ڕێپێوانێک، چالاکیی مانگرتن لە خورادن بۆ ئازادیی عەبدوڵا ئۆجالان، ڕیبەری پارتی کرێکارانی کوردستان کۆتاییهات، کە ماوەی سێ ڕۆژ بەردەوام بوو.

 

ڕێپێوەران بە وتنەوەی دروشم داوایان لە کۆمیتەی ڕێگرییکردن لە ئەشکەنجە کرف، کە شاندێک بۆ سەردانی ئیمراڵی بنێرێت.

 

لە ڕێپێوانەکەدا، ئاڵای پەکەکە، کەجەکە، یەپەگە و پەیەدە هەڵکرا و دروشمی "بژی سەرۆک ئاپۆ"، "بێ سەرۆک ژیان نابێت" و "بەژی بەرخۆدانی عەفرین" وترایەوە.

 

مانگرتن لە خواردن بۆ ئازادیی ئۆجالان بە پێشەنگایەتیی کۆنگرەی جڤاکی دیموکراتی کورد لە ئەوروپا، لە ڕۆژی ٢٣ی مانگەوە لە بەر دەم ناوەندی سەرەکیی کۆمیتەی رێگریکردن لە ئەشکەنجە لە شاری ستراسبورگی فەرەنسا دەستیپێکرد و پاشان بە شارەکانی دیکەی ئەوروپادا بڵاوبووەوە، وابڕیارە سبەینێ مانگرتن لە خواردنە سەرتاسەرییەکە کۆتایی پێبێت.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin