Smiley face
Smiley face
Smiley face

تورکیا ئاوی فوراتی گرتووەتەوەو ئاستی ئاوی باکوری سوریا دابەزیوە

2018-04-26 11:44:19



ڕۆژنیوز - ناوەندی هەواڵەکان

 

حکومەتی تورک لەو دیوی سنوورەکانەوە ئاوی ڕووباری فوراتی گرتووەتەوە و ئاستی ئاوی باکوری سوریا زۆر دابەزیوە.

 

پێشێلکارییەکانی حکومەتی تورک لە دژی گەلی کورد و گەلانی باکوری سوریا بە هەموو شێوەکان بەردەوامن، هەر لەو چوارچێوەیەدا ئاوی فوراتی گرتووەتەوە و کشتوکاڵی باکوری سوریا تووشی کەم ئاویی بووە.

 

ئاستی ئاوی بەنداوی فورات لە باکوری سوریا بەهۆی گرتنەوەی ئاوی فورات لە تورکیاوە، دوو مەتر و نیو دابەزیوە، ئەوەش بووەتە مەترسی بۆ کاری کشتوکاڵی جوتیارانی باکوری سوریا.

 

جوتیارانی باکوری سوریا زەوییەکانیان چاندووە، ئێستاش نیگەرانی ئەوەن کە ئەگەر ئاو هەر بەو شێوەیە کەم بێت، بەرهەمەکانیان بەباشی پێ ناگەن و تووشی زیان دەبن.

 

جوتیارانی باکوری سوریا دەڵێن، کە حکومەتی تورک هەموو دەرفەتەکانی بەکاردەهێنێت بۆ ئەوەی فشار بخاتە سەر گەلانی باکوری سوریا و ئەوەش بۆ لەناوبردنی پرۆژەی خۆبەڕێوبەریی گەلان دەکات.

 

ئەو جوتیارانە بەتایبەتی نیگەرانی بەرهەمەکانی وەکو سەوزە و پەممون، چونکە بە بەردەوامی دەبێت ئاویان بدرێت.

 

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin