Smiley face
Smiley face
Smiley face

"کێشەکانی ڕۆژهەڵاتی ناوەڕاست بە گەنجان چارەسەر دەبن"

2018-04-26 10:11:18



ڕۆژنیوز - سلێمانی


بڕیارە مانگی داهاتوو کۆنفرانسی گەنجانی ڕۆژهەڵاتی ناوەڕاست لە ژێر دروشمی "کێشەی گەنجان لە  ڕۆژهەڵاتی ناوەڕاست و ڕێگاچارەی دیموکراتییانە"، ببەسترێت


لە ١٨-٥-٢٠١٨دا لە شاری سلێمانی بە بەشداری گەنجانی هەر چوارپارچەی کوردستان و ڕۆژهەڵاتی ناوەڕاست بەگشتی، یەکەمین کۆنفرانسی کۆنفرانسی گەنجانی ڕۆژهەڵاتی ناوەڕاست بەڕێوەدەبەن، لەسەرئامادەکارییەکانیان هێرش شارەزووری ئەندامی کۆمیتەی ئامادەکاری کۆنفرانسەکە بۆ ڕۆژنیوز دەدوێت.

 

هێرش شارەزووری، وتی: لە ئێستاوە بانگەشە و سەردانکردنمان بۆ لای ڕێکخراوە سەربەخۆکان، گەنجانی ناو حزبە سیاسیییەکان و زۆرێک لە کۆمەڵەکان دەستیپێکردووە، هەنگاوی یەکەم لە باشوری کوردستانە و دواتر لە هەر چوار پارچەی کوردستان دەبێت.
 
هێرش ئاماژەی بە گرنگی کۆنفرانسەکە کرد و وتیشی: لە ئاستی سیاسی و دیبلۆماسی و چەکدارییدا هێرشێکی بەرفراوان لە سەر گەلان بەڕێوە دەچێت، ناوەندی ئەو شەڕەش ڕۆژهەڵاتی ناوەڕاستە و دیارترینیشان باشوری کوردستانە و پێویستی بە گەنجانە کە چارەسەرییەکان پێشبخەن و هەندێک بڕیار بێتە کایەوە کە پێوەی پابەندبن، تێیدا گفتوگۆ لەسەر خاڵە بەهێز و لاوازەکان دەکەین، لەو باوەڕەداین کە بە پێشەنگایەتی گەنجان ئەو کێشانە چارەسەر دەبێت.

 
لەسەر ناوەڕۆکی کۆنفرانسکە زیاتر دواو وتی: گرنگی دەدەین بە باسکردنی لایەنی ئابووری گەنجان، لە ئاستی سیاسیدا چەندین گەنج بە سیخوڕ دەکرێت، لە ڕۆژهەڵاتی ناوەڕاست و بە تایبەت لە ئێران، عێراق، تورکیا و سوریا کێشەکان لە ئاستی بەرزدا قووڵتر بوونەتەوە و زۆرینەشی بەرۆکی گەنجانی گرتووە، بۆیە لەم دۆخەدا باشترین دەرفەتە بۆ بەستنی کۆنفرانسێکی لەو جۆرە.


هێرش شارەزووری بانگی لە گەنجان کرد، کە بە گەرموگووڕییەوە پێشوازی لەو کۆنفرانسە بکەن و وتیشی :"چونکە گەنجان دەتوانن بە ئیرادی خۆیان چارەسەریی گونجاو بدۆزنەوە".


س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin