Smiley face
Smiley face
Smiley face

لە کەرکوک و دیالە داعش هێرشی کرد

2018-04-25 08:42:40



ڕۆژنیوز- که‌رکوک

 

چەتەکانی داعش هێرشیان کردە سەر هێزە عێراقییەکان لە سنووری کەرکوک و دیالە و فەرماندەیەکی حەشدی سونییان کوشت و پێنج چەکدار-یشیان بریندارکرد.

 

شه‌وی ڕابردوو، چه‌ته‌کانی داعش هێرشیانکردە سەر هێزەکانی سەنگەرەکانی ڕزگاریی حەشدی سونی لە گوندی نه‌وافلی سه‌ر به‌ شارده‌ێی ڕه‌شاد-ی شارۆچکه‌ی حه‌ویجه‌ لە پارێزگای کەرکوک و به‌وهۆیه‌وه‌ فه‌رمانده‌یه‌کی ئەو هێزه‌ بەناوی (ئوسامە ئەبوشوارب)کوژراوه‌ پێنج چه‌کداریش بریندار بوون.

 

هاوکات کاتژمێر 10ی شەو، له‌ گه‌ڕه‌کی تسعینی شاری که‌رکوک، له‌ نزیک باره‌گای ڕه‌وتی وه‌فای تورکمانی بۆمبێکی ده‌نگیی ته‌قیه‌وه‌.

 

به‌پێی زانیاره‌کانی رۆژنیوز، له‌ کاتی چوونه‌ ژووره‌وه‌ی دوو کاندیدی تورکمان بۆ ناو باره‌گاکه‌ بۆمبه‌که‌ ته‌قیه‌وه‌ته‌وه‌.

 

هەر شەوی ڕابردوو، چەتەکانى داعش هێرشیان کردە سەر هێزەکانى سوپاى عێراق، لە خاڵێکى سەربازیی لە  گوندی حوسێنیەى نزیک شارەدێی گوڵاڵە و بۆ ماوەى ٤٥ خولەک شەڕ و پێکدادان لە نێوان هەردوولا هەبوو.

 

چەتەکان ویستویانە خاڵە سەربازییە بگرن، بەڵام سەربازەکانى سوپاى عێراق هێرشەکەیان تێکشکاندووە و چەتەکانیش ناوچەکەیان جێهێشتووە.

 

لە شەڕەکەدا لە لایەن چەتەکانەوە بە  ئاربیجى و بیکەیسى و هاوەن، لە خاڵە سەربازییەکەیانداوە.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin