Smiley face
Smiley face
Smiley face

ناڕازییانی مەریوان شوێنێکی سوپای پاسدارانیان سوتاند

2018-04-25 08:42:27



ڕۆژنیوز - ناوەندی هەواڵەکان

 

ناڕازییان لە شاری مەریوانی سەربە سنەی ڕۆژهەڵاتی کوردستان، لە دژی شوێنێکی تایبەت بە سوپای پاسداران چالاکییان ئەنجامدا و ئاگریان دا.

 

درەنگانی شەوی ڕابردوو، لە ناوەندی شاری مەریوان ڕێستورانتێکی تایبەت بە سوپای پاسداران لەلایەن هاوڵاتیانی ناڕازییەوە سووتێندرا، لەلایەکی دیکەوە هاوڵاتیانی ناڕازی لە گوندی "نێ" بەردیان هەڵداوە بۆ ناو ماڵەکانی ئەندامانی سوپا.

 

سەرچاوە خۆجێییەکان ڕایانگەیاندووە، کە هاوڵاتیانی ناڕازیی لە دژی ڕێستورانتی "کاوە کۆنەپۆشی" کە ئەندامێکی سوپای پاسدارانە، چالاکییان ئەنجامداوە، پاشان دەنگی تەقە بیستراوە.

 

پاش ئەوەی ڕێستورانتەکە ئاگری گرتووە، هێزە سەربازییەکانی سوپای پاسداران لە سەرتاسەری شاردا جێگرکراون و مەریوان بەتەواوی بەسەربازیی کراوە.

 

هەروەها ڕاگەیەندراوە، کە کاوە کۆنەپۆشی برینداربووە لە ئەنجامی ئەو چالاکییەدا.

 

جێگای ئاماژەیە، کە ڕۆژهەڵاتی کوردستان زیاتر لە ١٠ ڕۆژە کە لە مانگرتن لە کارکردندایە و کاسبکاران لە شارەکانی بانە، مەریوان، جوانڕۆ، سەردەشت و پیرانشار لە دژی بەرزبوونەوەی نرخی باج و گومرک و داخستنی سنوورە کۆڵبەرییەکان دووکان و بازاڕیان داخستووە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin