Smiley face
Smiley face
Smiley face

یەرەدە ڕۆژی ڕۆژنامەگەریی کوردیی پیرۆزکرد

2018-04-22 18:43:22



ڕۆژنیوز – ناوەندی هەواڵەکان

 

کوردۆناسیۆنی گشتیی یەرەدە، ٢٢ی نیسان لە ڕۆژنامەنووسان پیرۆزدەکات و ڕایدەگەیەنێت، کە تێکۆشانی ڕاگەیاندنی ئازاد، شاهیدیی بۆ ڕووداوە گرنگەکانی مێژووی تێکۆشانی کورد داوە.

 

ئەمڕۆ، کوردۆناسیۆنی گشتیی یەکێتی ڕاگەیاندنی ئازاد-یەرەدە، بەبۆنەی ٢٢ی نیسان، ڕۆژی ڕۆژنامەگەریی کوردیی، بەیاننامەیەکی بڵاوکردەوە و تیایدا ٢٢ی نیسانی لە هەموو ڕۆژنامەنووسان پیرۆزکرد و شەهیدانی ڕۆژنامەوانیشی بەبیرهێنایەوە.

 

لە سەرەتای ڕاگەیەندراوەکەدا، یەکێتی ڕاگەیاندنی ئازاد، باسی لە سەرەتای دەرچوونی یەکەمین ڕۆژنامەی کوردیی کوردووە، ئاماژەی بەوەشکردووە: لەگەڵ دەرچوونی یەکەم ڕۆژنامەی کوردیدا لە ساڵی ١٨٩٨، هەنگاوی گرنگ لەبواری ڕۆژنامەگەریی کوردیدا نرا، دوای ڕۆژنامەی کوردستان-یش، ژمارەیەکی زۆر ڕۆژنامە و گۆڤار چاپکران.

 

هەروەها، هاتووە: بزووتنەوەی ئازادیی کوردستانیش هەر لە سەرەتای دروستبوونییەوە، وەک هەر بوارێکی دیکەی ژیان، هەنگاوی گرنگی لەبواری ڕۆژنامەوانیی ئازادیخواز-دا هاویشت، هەر وەک چۆن لەبوارەکانی دیکەشدا قوربانیی زۆری داوە، لە بواری ڕۆژنامەوانیشدا قوربانیی زۆری داوە.

 

لە بەشێکی دیکەی بەیاننامەکەی یەرەدە-دا، هاتووە: تێکۆشانی ڕاگەیاندنی ئازاد، شاهیدی بۆ ڕووداوە گرنگەکانی مێژووی تێکۆشانی کورد داوە، ئەم نرخە مەزنەش لەسایەی ڕەنجی گەورەی پێشەنگ و شەهیدان بەرهەمهێنراوە، هەر لە شەهید غوربەتلی ئەرسۆز، خەلیل داغ، موسا عەنتەر، دەنیز فورات و نوژیان ئارهان تا دەگاتە شەهیدانی ئەمدواییە، کە لەکانی ڕووماڵکردنی بەرخۆدانی سەردەم لە عەفرین شەهیدبوون بەرهەمهێنرا، سەدان هەڤاڵمان بێ ترسا و بە بوێرییەکی مەزنەوە بوونە دەنگ و ڕەنگی حەقیقەت.

 

لە کۆتایی ڕاگەیەندراوەکەدا، یەکێتی ڕاگەیاندنی ئازاد-یەرەدە، بەبۆنەی ڕۆژی ڕۆژنامەگەریی کوردییەوە، هەموو شەهیدانی ڕۆژنامەوانیی بەبیرهێنایەوە، هاوکات بەڵێنی بەردەوامکردنی ڕێبازەکەی ئەوانی دووپات کردەوە، هەر بەو بۆنەیەوە، پیرۆزبایی لە هەموو ڕۆژنامەنووسانی کوردستانیش کرد.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin