Smiley face
Smiley face
Smiley face

زانكۆی پۆلیتەكنیك یادی ١٢٠ساڵەی ڕۆژنامەگەریی كوردیی كردەوە

2018-04-22 13:42:26



ڕۆژنیوز – سلێمانی

 

بەشی تەكنیكی میدیا لە زانكۆی پۆلیتەكنیكی سلێمانی بە چەند چالاكیەكی جۆراوجۆر یادی ١٢٠ ساڵەی ڕۆژنامەگەریی كوردیی كردەوە.

 

ئەمڕۆ، بەشی تەكنیكی میدیا لە زانكۆی پۆلیتەكنیكی سلێمانی، بە بەشداری خوێندكاران و مامۆستایانی زانكۆی پۆلیتەكینك یادی ١٢٠ ساڵەی دەرچوونی یەکەمین ڕۆژنامەنی کوردیی کردەوە.

 

لەیادەكەدا چەندین چالاكی جۆراوجۆر ئەنجامدران، كە تێیدا دوو پانێڵ پێشكەشكران لەسەر ڕۆڵی ڕۆژنامەگەریی كوردیی لە ئێستادا، هەر لە پانێڵەكەدا ئەنجامی توێژینەوەیەكی بەشی تەكنیكی میدیا خرایە ڕوو لەبارەی ڕۆڵی میدیا لە كۆمەڵگادا، كە لەلایەن دكتۆر حەكیم عوسمان ئەنجام درابوو، تێیدا بۆچوونی  هاوڵاتیان وەرگیرابوو لەسەر ڕۆڵی میدیا، كە لە ئەنجامی توێژینەوەكەدا ٧٠٪ی بەشداربووان پێیان وابوو، كە میدیا ڕۆڵی خراپی گێراوە لە كۆمەڵگادا، نەیتوایوە بە ئەركی سەرەكی خۆی هەستێت و زیاتر بۆ بەرژەوەندی سیاسی بەكار هێندراوە.

 

لە بەشێكی دیكەی یادەكەدا پێشەنگایەكی كتێب كرابووەوە كە چەندین دەزگای چاپ و بڵاوكردنەوە بەشدارییان تێدا كردبوو، نرخی كتێەكانیان ٣٠٪ بۆ ٥٠٪ داشكاندبوو.

 

هەر لە بەشی تەكنیكی میدیا، پێشەنگایەكی فۆتۆگرافی و كاری دیزاین كرابووە و بۆ كاری پراكتیكی خوێندكاران ستۆدیۆیەك و ژوری هەواڵ و ژورێكی كۆنتڕۆڵ كرابوونەوە.

 

ڕۆژنامەی کوردستان ٢٢ی نیسان ١٨٩٨ لە لایەن (میقداد مەدحەت بەدرخان) لە شاری قاهیرەی پایتەختی ویلایەتی میسری سەر بە دەوڵەتی عوسمانی دەرچوو، بابەتەکانی ڕۆژنامەی کوردستان زیاتر هاندانی بڵاوکردنەوەی خوێندن و فێربوونی زمانی کوردی بوو لە ناو هاوڵاتیانی ناوەوەی کوردستان.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin