Smiley face
Smiley face
Smiley face

سەدان هاوڵاتی باشوری کوردستان بەرەو سیدەکان بەڕێوەن

2018-04-21 14:14:25



ڕۆژنیوز - سۆران

 

سەدان هاوڵاتیی باشوری کوردستان لە هەشت شار و شارۆچکەوە بەمەبستی شەرمەزارکردنی داگیرکارییەکانی حکومەتی تورک بەرەو سیدەکان بەڕێوەن.

 

گەلی کورد لە باشوری کوردستان لە دژی داگیرکارییەکانی حکومەتی تورک لە سەر پێن، ئەمڕۆ سەدان هاوڵاتی بەرەو سیدەکان بەڕێکەوتن، کە بەردەوام دەکرێتە ئامانجی هێڕشەکانی سوپای تورک.

 

هاوڵاتیانی کورد لە شارەکانی سلێمانی، هەولێر، ڕانیە، قەڵادزێ، شارەزوور، کەرکوک، کەلار و قەندیلەوە بەرەو سیدەکان بەڕێکەوتن، لە گوندی باڵەیانی سەربە شارۆچکەی قەسرێ ی سەربە شارۆچکەی چۆمان، گەیشتنە یەکدی و کاروانێکی هاوبەشیان پێکهێنا.

 

شیلان شاکر، هاوسەرۆکی گشتیی تەڤگەریی ئازادیی کۆمەڵگەی کوردستان، هاوسەرۆکانی ئەنجومەنی گەلی قەندیل، ئاسۆ مەحمود، کاندیدی لیستی ١٢٠ لە هەولێڕ و سەلام عەبدوڵا کاندیدی لیستی ١٢٠ لە سلێمانی و نوێنەری چەند حزب و ڕێکخراوی دیکەش لەو ناو کاروانەکە دان.

 

لە کاروانەدا ئاڵای پەکەکە، ئاڵای حکومەتی هەرێمی کوردستان، ڕژاک و تەڤگەری ئازادی بە دەستی هاوڵاتیانەوەیە و دروشمی "بژی کوردستان". "بژی بەرخۆدانی سیدەکان"، "داگیرکەر بچێتە دەرەوە" و "بژی گەریلا" دەوترێتەوە.

 

کاروانی هاوڵاتیان لەلایەن چالاکوانانی باڵایانەوە پێشوازییان لێکرا.

 

پاش ئەوەی کاروانی هاوڵاتیان گەیشتە باڵەیان، لەوێوە بەرەو سیدەکان بەڕێکەوتن، بەڵام لە خاڵی پشکنینی شارۆچکەی قەسرێ لەلایەن ئاسایشی پارتییەوە ڕێگرییان لێکرا، هەروەها ئاسایشی پارتی ڕێگری کرد لە ڕۆژنامەنووسان کە کارەکانیان ئەنجام بدەن.

 

کاروانی هاوڵاتیان لە ئێستا دا لە پشتی خاڵی پشکنینی قەسرێدا وەستاون.

 

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin