Smiley face
Smiley face
Smiley face

عەفرین، چەتەکان ئەنجومەنی خۆفرۆشان بەڕێوەدەبەن

2018-04-21 09:42:45



ڕۆژنیوز - ناوەندی هەواڵەکان

 

حکومەتی تورک چەتەیەک بەناوی ئازاد محەمەد عوسمان-ی وەک بەڕێوبەری ئەنجومەنی دیلۆک کە لە شاری عەنتاب بۆ بەڕێوەبردنی عەفرینی داگیرکراو دامەزرا، دیاریی کرد.

 

پاش داگیرکردنی عەفرین لەلایەن سوپای تورک و چەتەکانییەوە، حکومەتی تورک لە ڕێگای ئەندامانی ئەنەکەسەوە ئەنجومەنێکی پێکهێنا تا بە حساب عەفرین بەڕێوەببەن.

 

هاوڵاتیانی عەفرین ناڕەزایی توندیان لە دژی دامەزراندنی ئەو ئەنجومەنە نیشان داوە و ئەو ئەنجومەنە بە ئەنجومەنی خائینان و ئەنجومەنی خۆفرۆشان ناودەنێن.

 

چەتەیەک بە ناوی ئازاد محەمەد عوسمان، لەلایەن حکومەتی تورکەوە بۆ بەڕێوبەریی ئەو ئەنجومەنە دانراوە.

 

ئازاد محەمەد، لەدایکبووی ساڵی ١٩٦٥ لە گوندی ماراتی سەربە عەفرینە، پێشتر ئەندامی کۆمیتەی پەیوەندییە گشتییەکانی ئەنەکەسە بووە.

 

کوڕی ئازاد محەمەد، لە ساڵی ٢٠١٣ دا بەشداری چەتەکانی سوپای ئازاد بووە و لە تابوری سەلاحەدین و پێشمەرگەکانی عەفرین دا جێیگرتووە، واتە هەر ئەو چەتانەی لە گوندی برج عەبدولۆی سەربە شێراوای عەفرین لە دژی شەڕڤانانی یەپەگە شەڕیان کرد.

 

هەر لە ساڵی ٢٠١٣ دا ئازاد محەمەد لەگەڵ خانەوادەکەی چووە بۆ تورکیا و دواتریش کچ و کوڕەکەی ناردووەتە بۆ ئەوروپا.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin