Smiley face
Smiley face
Smiley face

ئێزدخان ڕەنگی هەڵبژاردنی لەخۆ گرتووە

2018-04-20 14:29:00



ڕۆژنیوز - شەنگال


ئێزدخان لەم خولەی هەڵبژاردنی پەرلەمانی عێراقدا بۆ یەکەم جار بە کاندیدی حزبی خۆیەوە بەشداری هەڵبژاردن دەکات، ئێزدخان ڕەنگی هەڵبژاردنی لەخۆ گرتووە و پادێش نوێنەرایەتی ئیرادە و هێزی گەل دەکات.


هاوڵاتیانی شەنگال دەڵێن، کە لە پاش فەرمانەکەوە تەنیا حزبێک کە خزمەتی خەڵکی ئێزدی کردووە پارتی ئازادی و دیموکراسی ئێزدیان - پادێ بووە و دەنگی خۆیان دەدەنە کاندیدەکانی پادێ.


خەلەف شەنگالی هاوڵاتی شەنگال لەو بارەیەوە دەڵێت: نامانەوێت شەنگال بکەوێتە دەستی بیانییەکانەوە، دەمانەوێت کاندیدەکانی خۆمان لە هەڵبژاردندا سەربکەون، هیوادارین پادێ لەم هەڵبژاردنەدا سەربکەوێت.

 


قاسم خدر هاوڵاتی شەنگال دەڵێت: تا ئێستا لە هیچ لایەنێکەوە هیچ سوودێک بە ئێمە نەگەیشتووە، بۆیە دەمانەوێت لەم خولەدا کاندیدەکانی ئێزدییەکان سەربکەون، دەبێت گەلەکەمان هۆشیار بن و دەنگ بدەنە کاندیدەکانی پادێ، فەرمانی زۆرمان بەسەر هاتووە، بەتایبەتی لە فەرمانی ٧٤-ەم دا سەختی و ئازاری زۆرمان چەشت، بۆیە چیدی باوەڕمان بە کەس نەماوە جگە لە خۆمان.

 


خەلەف ئێزدی هاوڵاتییەکی دیکەی شەنگال وتی: هیوادارم گەلەکەمان دەنگ بدەنە پارتی خۆیان، پادێ تەنیا حزبێکە کە هاوکاری خەڵکی ئێزدی کردووە و دەیکات، پادێ بەگوێڕەی بەرژوەندییەکانی گەل جووڵاوەتەوە، بۆیە دەنگ دەدەینە پادێ و بەهێز و حزب و ئیرادەی خۆمانی دەزانین.

 


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin