Smiley face
Smiley face
Smiley face

یەکەم وڵاتی ئەوروپا دژی ئاکەپە هەڵوێستی نیشاندا

2018-04-20 13:58:49



ڕۆژنیوز - ناوەندی هەواڵەکان


پاش ئەوەی حکومەتی ئاکەپە بڕیاری هەڵبژاردنی پێشوەختەی دەرکرد، حکومەتی نەمسا ڕایگەیاند، کە ڕێگاناداتە سیاسەتمەدارەکانی ئاکەپە میتینگی هەڵبژاردن لەو وڵاتەدا ئەنجام بدەن.


هەڵبژاردنی تورکیا کە وابڕیاربوو لە مانگی ١١ی ٢٠١٩ دا ئەنجام بدرێت، بەپێی بریاری هاوبەشی ئاکەپە و مەهەپە وابڕیارە لە ٢٤ی حوزەیرانی ٢٠١٨دا بەڕێوەبچێت، لە ئێستاشەوە ئاستەنگکردنی چالاکییەکانی ئاکەپە لە ئەوروپا دەستیپێکردووە.


ئەوە لە کاتێکدایە، کە لە کاتی بانگەشەکانی ڕیفراندۆمی گۆڕینی دەستووری تورکیاش، وڵاتانی هۆڵەندا، نەمسا و ئەڵمانیا ڕێگایان نەدا بەرپرسانی ئاکەپە میتینگ بۆ بانگەشەکانیان لەو وڵاتانەدا ئەنجام بدەن.


بۆ ئەم هەڵبژاردنانەش، یەکەم هەڵوێست لەلایەن حکومەتی نەمساوە ڕاگەیەندرا و چالاکییە بانگەشەکانی ئاکەپە لە نەمسا قەدەغە کرا.


سباستییەن کروز، سەرۆک وەزیرانی نەمسا بە ڕادیۆ ئۆ ئار ئێف-ی ڕاگەیاندووە: ڕێگا نادەین هیچ کەمپەینێکی هەڵبژاردنی حکومەتی تورک لە نەمسا بەڕێوەبچێت.


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin