Smiley face
Smiley face
Smiley face

لە ئەوروپا بۆ ئۆجالان مانگرتن لە خواردن دەستپێدەکات

2018-04-20 08:55:43



ڕۆژنیوز - ناوەندی هەواڵەکان


لە چەندین شاری ئەوروپا بە مەبەستی شەرمەزارکردنی گۆشەگیرکردنی سەر عەبدوڵا ئۆجالان، ڕێبەری پەکەکە، مانگرتن لە خواردن دەستپێدەکات.


کۆنگرەی جڤاکی دیموکراتی کوردستان لە ئەوروپا- کەجەدەکەی ئەوروپا، بە بڵاوکردنەوەی ڕاگەیەندراوێک ئاشکرایکرد، کە لە ڕۆژانی ٢٣ بۆ ٢٧ی مانگ لە ستراسبورگ مانگرتن لە خواردن دەستپێدەکات.


لە ڕاگەیەندراوی کەجەدەکەی ئەوروپادا هاتووە: ئەوە ئەرکی هەموو گەلانی ژێردەستە کە بۆ ئازادیی ئۆجالان تێبکۆشن، بەرگریی لە بەڕێز ئۆجالان و تێکۆشان بۆ ئازادییەکەی بە واتای پاراستنی ئازادیی هەموومانە، ئۆجالان ڕێبەرێکی گەورەیە و ڕۆڵی هەبووە لە تێکۆشانی دژی کۆنەپەرستیدا لە ڕۆژهەڵاتی ناوەڕاست.


کەجەدەکەی ئەوروپا ئاماژەی بەوەشدا: کۆمیتەی ڕێگریکردن لە ئەشکەنجە بە شێوەیەکی نائەخلاقی بووەتە هاوبەشی سەپاندنی گۆشەگیری بۆ سەر بەڕێز ئۆجالان، ئەوەش نیگەرانییەکانمان زیاتر دەکات، داوا لە سی پی تی دەکەین، کە ئەرک و بەرپرسیارێتییەکانی ئەنجام بدات.


لە کۆتایی ڕاگەیەندراوەکەدا هاتووە: ئێمە لە ڕۆژانی ٢٣ بۆ ٢٧ی نیسان لە ستراسبورگ مانگرتن لە خواردنی ناوەندی دەستپێدەکەین و بانگەوازیی هەموو هاوڵاتیان، سیاسەتمەداران، هونەرمەندان و ڕۆشنبیران دەکەین، کە بەشدای ئەو مانگرتنە ببن.

 

هەروەها هاوکات لە ستراسبورگ وابڕیارە لە دۆسڵدۆرف، دۆرتمۆند، برەمەن و هانۆڤەری ئەڵمانیا، یۆنان، سوید، فینلاند، نەرویج، ئیتالیا، کەنەدا، ئوسترالیا، نەمسا، هۆڵەندا، بەلجیک و قوبرس-ش مانگرتن لە خواردن دەستپێبکات.

 

دەوڵەتی تورک گۆشەگیرییەکی قورسی خستوەتە سەر ئۆجالان و ڕێگە نادات کەس سەردانی بکات و نزیکەی دوو ساڵە هیچ هەواڵێک لە ئۆجالانەوە نییە.


ک.ک


 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin