Smiley face
Smiley face
Smiley face

زیاتر لە ٥٠ خانەوادەی چەتەکانی غوتەی ڕۆژهەڵات لە عەفرین جێگیرکران

2018-04-17 13:36:56



ڕۆژنیوز - ناوەندی هەواڵەکان


سوپای تورک بەردەوامە لە سیاسەتی گۆڕینی دیمۆگرافیای عەفرین و لەو چوارچێوەیەدا زیاتر لە ٥٠ خانەوادەی چەتەکانی غوتەی ڕۆژهەڵاتی لە گوندی میرکانی سەربە ماباتای عەفرین جێگیرکرد.


داگیرکارییەکانی سوپای تورک لە عەفرین ڕۆژ لەدوای ڕۆژ زیاتر دەبن، بەگوێرەی سەرچاوە خۆجێییەکان سوپای تورک بەردەوامە لە جێگیرکردنی چەتەکانی غوتەی ڕۆژهەڵات لە عەفرین.


ماباتا شارۆچکەیەکی عەلەوینشینی عەفرینە، پاش رێککەوتنی ڕوسیا و تورکیا بۆ چۆڵکردنی غوتەی ڕۆژهەڵات لەلایەن چەتەکانی سەربە تورکیا و لە بەرامبەردا کردنەوەی ئاسمانی عەفرین بەسەر فڕۆکە جەنگییەکانی تورکیادا، حکومەتی تورک دەستیکردووە بە گۆڕینی دیموگرافیای عەفرین بە جێگرکردنی ئەو چەتانەی لە غوتەی ڕۆژهەڵاتەوە چوونەتە ئەوێ.


ڕاگەیەندرا، کە زیاتر لە ٥٠ خانەوادەی چەتەکانی غوتەی ڕۆژهەڵات لە گوندی میرکان جێگرکراون، بۆ ئەوەش ئەنوەر سینۆ، یەکێک لە ئەندامانی ئەنەکەسە وەک بەرپرسیار ئەرکدار کراوە.


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin