Smiley face
Smiley face
Smiley face

بۆ بەشداریکردن لە جەژنی چوارشەممەسوور بانگەوازیی کرا

2018-04-17 10:44:20



ڕۆژنیوز - ناوەندی هەواڵەکان


سبەینێ جەژنی چوارشەممەسووری ئێزدییانە، جێگری هاوسەرۆکی ئەنجومەنی خۆبەڕێوبەریی دیموکراتی شەنگال بانگەوازی دەکات بۆ بەشداریکردن لەو جەژنەدا.


هاوڵاتیانی ئێزدی هەموو ساڵێک سێیەم چوارشەممەی مانگی نیسان وەک چوارشەممەی سەری ساڵ پیرۆز دەکەن، بۆ جەژنی ئەمساڵ هاوڵاتیانی کامپی مەخمور، ڕۆژئاوا و ئێزدییەکانی دەرەوەی شەنگالیش بانگکراون.


قەحتان خەلیل، جێگری هاوسەرۆکی ئەنجومەنی خۆبەڕێوبەریی دیموکراتیی شەنگال لەو بارەیەوە دەڵێت، کە بەردەوامن لە ئامادەکارییەکان بۆ بەڕێوەبردنی شیاوی جەژنەکە، وابڕیارە جەژنی ئەمساڵ لە چیای شەنگالی سەربە سەردەشت لە سنوری شەنگال بەڕێوەبچێت.


هەروەها بۆ پیرۆزکردنی جەژنی ئەمساڵ هاوڵاتیانی کامپی شەهید ڕوستەم جودیی لە مەخمور و گەلی کورد لە ڕۆژئاوای کوردستان بانگ کراون بۆ بەشداریکردن لە جەژنەکەدا، قەحتان دەڵێت: لە ساڵی ٢٠١٤دا هاوڵاتیانی مەخمور و ڕۆژئاوا زۆریان هاوکاری کردووین و حەزدەکەین بەشداربن لە جەژنەکەماندا.


هەروەها گروپە هونەرییەکانی کەمانی زێڕین، گروپی شانۆی چاند و هونەر، گروپی چیای شەنگال و چەندین گۆرانیبێژ لە شەنگال و دەرەوەی شەنگالەوە بەشداردەبن لە جەژنەکەدا.


قەحتان خەلیل بانگەوازیی هاوڵاتیانی ئێزدیی کرد کە بە ڕۆحییەتی یەکگرتووییەوە بەشداری بکەن لەو جەژنەدا.


ک.ک



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin