Smiley face
Smiley face
Smiley face

کاندیدێکی لیستی ١٢٠: ئەرکەکانمان جێبەجێ نەکرد با گەل لێپرسینەوەمان لێبکات

2018-04-16 17:40:35



ڕۆژنیوز - محەمەد حەسەن

 

تەڤگەری ئازادی کە بەشدارە لە هەڵبژاردنەوەکانی داهاتووی پەرلەمانی عێراقدا بە لیستی ژمارە ١٢٠، گفتوگۆیەکی بۆ بۆ کاندیدێکی لیستەکە لە سنووری ڕاپەڕین لەگەڵ ئەندامانیاندا ڕێکخست، تێیدا باس لە بەشداربوون و ئەرکەکانیان لە داهاتوودا کرا.

 

ئەمڕۆ لە شارۆچکەی قەڵادزێی سەربە ئیدارەی ڕاپەڕین، تەڤگەری ئازادی کۆمەڵگەی کوردستان- هەرێمی ڕاپەڕین، گفتوگۆیەکی بۆ کاندیدی لسیستەکە سەلام عەبدوڵا، کە بەژمارە ٩ لە لیستی نەوەی نوێ لە سنووری پارێزگای سلێمانی بەشدارە، لەگەڵ ئەندامانیاندا لە سنوورەکە ڕێکخست.

 

دوای خولەکێک وەستان بۆ ڕێزلێنان لە شەهیدانی ئزادی، سەلام عەبدوڵا بۆ ئامادەبووان دواو وتی: ئەوەی چەند ساڵە لە باشوری کوردستان و عێراق ڕوودەدات داخوازی گەلانی عێراق نییە، هەر کەس و لایەنێک دەیانەوێت بە گوێرەی بەرژەوەندییەکانی خۆیان کار بکەن، بۆیە پێویستە گۆڕانکاریی دروستببێت، گۆڕانکاریش بە گیانێکی لەخۆبوردوویی و دوور لە بەرژەوەندی تاکەکەسی ئامانجی خۆی دەپێکێت.

 

سەلام عەبدوڵا باسی لەوەشکرد، کە دەوڵەتانی دراوسێ نایانەوێت گۆرانکاری دروستبێت، چونکە بەرژەوەندییەکانیان دەکەوێتە مەترسییەوە و وتیشی:"ئێمە دژایەتی هیچ کەس و لایەنێک ناکەین، بەڵکو ئەرک و خزمەتی ئێمە پێکەوە ژیان و چەسپاندنی ماف و ئازادی هەمو گەلانی ناوچەکەیە".

 

 

ناوبراو باسی لە هۆکاری کاندیدبوونی خۆی و بەشداربوونی لیستەکەی لە هەڵبژاردنەکان کرد و وتی:"ئێمە پرۆژە و دنگی گەلی خۆمان دەبەینە پەرلەمان، ئەگەر نەمانتوانی ئەرکەکانمان بە باشی جێبەجێبکەین، ئەوا  دەبێت گەلەکەمان لێپرسینەوەمان لێبکات، ئێمە بە فکر و فەلسەفەی ڕێبەر ئاپۆ دەچینە پەرلەمانی داهاتووی عراق و دەبینە دەنگی گەلەکەمان.

 

دوێنێ بانگەشەکانی هەڵبژاردن بۆ ئەنجومەنی نوێنەرانی عێراق دەستیپێکرد، کە تێیدا چەندین لیست بەشدارن و لیستی ١٢٠ یش بەناوی "نەوەی نوێ" بەشدارە، کە پێکهاتووە لە جوڵانەوەی نەوەی نوێ، تەڤگەری ئازادی و بەرەی دیموکراسی گەل.

 

لە گفتوگۆکەدا ئەندامانی تەڤگەری ئازادی لە سنوورەکە ڕاو بۆچوون و پرسیارەکانی خۆیان ئاراستەی سەلام عەبدولا کرد، و لەلایەن ناوبراوەوە وەڵامیان درایەوە.

 

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin