Smiley face
Smiley face
Smiley face

ئەمجارە ئێزدییەکان بە ئیرادەی خۆیانەوە بەشداریی هەڵبژاردن دەکەن

2018-04-15 14:07:55



ڕۆژنیوز - شەنگال

 

هاوڵاتیانی ئێزدی، کە پاش فەرمانی ساڵی ٢٠١٤ دەستیانکرد بە تێکۆشان بۆ ڕێکخستنی کۆمەڵگاکەیان، بە ئیرادەی خۆیانەوە بەشداری هەڵبژاردنەکانی پەرلەمانی عێراق دەبن، پارتی ئازادیی و دیموکراسیی ئێزدخان-پادێ، بۆ بەشداریکردن لە هەڵبژاردندا لیستێکی تۆمارکردووە.

 

هەڵبژاردنی پەرلەمانی عێراق ڕۆژی ١٢ی ئایار ئەنجام دەدرێت، پادێ وەک نوێنەری ڕاستەقینەی گەلی ئێزدی لیستی ١٦٩ی بە دوو کاندیدەوە تۆمارکردووە و بەرنامەکانی بۆ بەشداریکردن لە هەڵبژاردندا ئاشکراکرد.

 

پارتی ئازادیی و دیموکراسیی ئێزدخان-پادێ، لەم هەڵبژاردنەدا بە لیستێک، کە لە دوو کاندید پێکهاتووە، بە دروشمی "دەنگتان بدەنە ئیرادەی خۆتان"، بەشداریی کردووە.

 

کاندیدەکانی ئەو لیستە بریتین لە: سمێر دەروێش خەلەف شێخ و خوەدێداد موراد ڕەشۆ پیسۆ.

 

کاتێک چاوێک بە ڕووداوەکانی ئەم دواییانەی شەنگال، کەرکوک و گەرمیاندا دەخشێنین، بۆمان دەردەکەوێت، کە ئەنجامی هەڵبژاردنەکان لەو ناوچانەدا تا چ ڕادەیەک گرنگ و چارەنووسسازە.

 

شەنگال کەوتووەتە پارێزگای موسڵەوە، تایبەتمەندی هەرە دیاری شەنگال ئەوەیە، کە زۆربەی دانیشتووانی ئێزدین و ئێش و  ئازاری زۆریان لە مێژوودا چەشتووە، لە کاتی عوسمانییەکانەوە بۆ ئێستا ٧٤ فەرمانیان بەسەر هاتووە و هەوڵی کۆمەڵکوژکردنیان دراوە، یەکێک لە هۆکارەکانی ئەو هەموو نەهامەتییەی کە بەسەر ئێزدییەکاندا هاتووە، ئەوە بووە، کە تا ئێستا هیچ هێزێک نوێنەرایەتی ئیرادەی ئەو پێکهاتەیەی نەکردووە.

 

پاش دەستێوەردانی سەربازیی هێزە ئەوروپی و ئەمریکییەکان لە ناوخۆی عێراقدا، ساڵی ٢٠٠٤ دەستووری عێراق گۆڕا، بەگوێرەی ئەو یاساکانی هەڵبژاردنیش گۆڕان، بەگوێڕەی یاسا کورسییەک بۆ ئێزدییەکان لە پەرلەمانی عێراقدا دانراوە، ئەوەش بە پێی بە ڕەوازانینی مافی کۆتاکان لە دەستووری عێراقیدا ئەنجامدراوە، لە هەموو هەڵبژاردنەکاندا کەسێک لەلایەن ئێزدییەکانەوە دەنێردرێتە پەرلەمان.

 

لە ساڵی ٢٠٠٤دا تەڤگەری چاکسازی و پێشکەوتوویی ئێزدییەکان، کۆتای ئێزدییەکانی بە دەستەوە گرتبوو و پەرلەمانتاری ناردە بەغدا، بەڵام لە ڕووی کلتوری و سیاسی و ئابورییەو هیچ سوودێک بۆ ئێزدییەکان تێدانەبوو.

 

پاش فەرمانی ساڵی ٢٠١٤، گەلی ئێزدی بڕیاریدا بە ئیرادەی گەلەکەی خۆی ڕێکبخات، پارتی ئازادی و دیموکراسیی ئێزدییان یەکێک لەو پارتانە بوو، کە خەڵکی ئێزدی پاش فەرمانەکە دایانمەزاراند و پاشان لەلایەن حکومەتی عێراقیشەوە وەک ٤٠-ەمین حزبی عێراقی پەسەندکرا.

 

لە هەڵبژاردنی ئەم خولەی پەرلەمانی عێراقدا، سێ پارتی بۆ یەک کورسیی کۆتای ئێزدییەکان پێشبرکێ دەکەن و لە ئەنجامدا یەک پەرلەمانتار دەنێرنە بەغدا.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin