Smiley face
Smiley face
Smiley face

یەکێتی ئەوروپا: کێشەی کورد یەکێک لە گرنگرتین پرسەکانی تورکیایە

2018-04-15 13:39:30



ڕۆژنیوز - ناوەندی هەواڵەکان

 

یەکێتی ئەوروپا ڕایدەگەیەنێت، کە کێشەی کورد یەکێکە لە گرنگرتین پرسەکانی تورکیا، هۆشداریشی داوەتە ئەنقەرە، کە بەشێوەیەکی "سنووردار" بۆ ڕووبەڕووی پەکەکە بجوڵێتەوە.

 

بڕیارە لە چەند ڕۆژی ڕابردوودا، یەکێتی ئەوروپا ڕاپۆرتێک لەبارەی ئەندامێتیی تورکیا لە یەکێتییەکە بڵاوبکاتەوە، هەفتەنامەی وەڵت ئام سۆنتاگی ئەڵمانیش، پێشوەخت کورتەیەکی لە بارەی ئەو ڕاپۆرتەوە بڵاوکردووەتەوە.

 

لەو ڕاپۆرتەدا هاتووە: هیچ بنەمایەک لە ئارادا نییە بۆ ئەوەی دانووستانەکان بۆ بەئەندامبوونی تورکیا لە یەکێتی ئەوروپادا بەردەوامیان پێبدرێت.

 

هەر بەپێی هەفتەنامەکە، وابڕیارە لە ڕاپۆرتەکەدا ئەوەش بخرێتەڕوو، کە حکومەتی ئەنقەرە دادگەریی، سەروەریی یاسا، مافە سەرەکییەکان و ئازادیی ڕادربڕین پێشێل دەکات، ئاشکراشکراوە، کە لە تورکیادا زیاتر لە ١٥٠ هەزار کەس زیندانیکراون و زیاتر لە ١١٠ هەزار کارمەندیش لە کار دوور خراونەتەوە، ئەوانەش هەموویان لە دژی بنەماکانی ئەندامبوون لە یەکێتی ئەوروپادان.

 

هەفتەنامەکە ڕاشیگەیاندووە، کە لە ڕاپۆرتەکەدا ئاماژە بەوەش دەکرێت، کە کێشەی کورد یەکێکە لە گرنگترین پرسەکانی تورکیا و پێویستە حکومەتی ئەنقەرە بۆ ڕووبەڕوبوونەوەی پەکەکە بەشێوەیەکی سنووردار بجووڵێتەوە.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin