Smiley face
Smiley face
Smiley face

خەڵکی عەفرین پێویستییان بە هاوکارییە

2018-04-15 12:59:56



ڕۆژنیوز - ڕۆزە محەمەد

 

هاوڵاتییە ئاوارەکانی عەفرین پێداویستییە ڕۆژانەکانیان و نییە وپیویستیان بە هاوکاریی هەیە، هاوڵاتیانی ناو عەفرین-یش لەلایەن سەرباز و چەتەکانی دەوڵەتی تورکەوە دەستدرێژیی دەکرێتەسەریان.

 

ئەمڕۆ لە شاری سێمانی، لە بینای نوێنەرایەتی ڕۆژئاوا لە باشوری کوردستان، نوینەری ئەو شاندانەی، کە سەردانی عەفرینیان کردبوو پێش داگیرکردنی، لەگەڵ نوێنەرایەتی ڕۆژئاوا کۆبوونەوە.

 

دوابەدوای کۆبوونەوەکە، جاویدان حەسەن، ھاوسەرۆکی نوێنەرایەتیی ڕۆژئاوا لە کۆنگرەیەکی ڕۆژنامەنووسییدا وتی: بۆ گفتوگۆ کردن بۆ دانانی پلانێک بۆ قۆناغی دووەمی عەفرین کۆبوینەوە، بەتایبەت لەم کاتەدا، کە کاتی ھەڵبژاردنەکانی باشوری کوردستانە، تا بە ھەموو لایەک ھاوکاریی بۆ عەفرین کۆبکەینەوە، لە ڕێگەی کەمپەینەکانمان.

 

ئاماژەی بەوەشدا، کە وڵاتانی نێودەوڵەتیی بێدەنگن و لەسەر گەلەکەمان نایەنە دەنگ، بۆیە دەبێت خۆمان یەکگرتووبین و هاوکاری یەکتر بین.

 

جاویدان حەسەن، ڕاشیگەیاند: دۆخی ھاوڵاتیانی عەفرین کە چوونەتە ناوچەی شەھبا خراپە و پێداویستیی ڕۆژانەیان نییە، ھەربۆیە پێویستە کە خێمە و خۆراک و پێداویستیەکانی ڕۆژانەیان بۆ دابین بکرێت.

 

ئاماژەی بە دۆخی هاوڵاتیانی ناو عەفرین-یش کرد و وتی: ئەو ھاوڵاتیانەی کە لەناو عەفرین ماون ڕۆژانە چەتەکانی تورک و سەربازەکانی ھەڵدەکوتنە سەر ماڵان و تاڵانیان دەکەن و دەستدرێژیان دەکەنە سەر.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin