Smiley face
Smiley face
Smiley face

بەهۆی کردەوەکانی سوپاوە دارستانەکانی زاگرۆس دەبنە پارووی ئاگر

2018-04-15 09:20:38



ڕۆژنیوز - ناوەندی هەواڵەکان

 

بەهۆی کەمتەرخەمییەکانی حکومەتی ئێران و ئۆپەراسیۆنە سەربازییەکانی سوپای پاسدارانەوە، دارستانەکانی زنجیرەچیای زاگرۆسی ڕۆژهەڵاتی کوردستان دەبنە پارووی ئاگر.

 

بەگوێڕەی ئامارەکانی کۆمەڵەی مافی مرۆڤی کوردستان، لە دوو ساڵی ڕابردوودا ١١٨ کارەساتی ژینگەیی لە دارستانەکانی زاگرۆسدا ڕوویداوە و ٧٠ هەزار و ٥١٩ هێکتار لە زەوییەکانی ڕۆژهەڵاتی کوردستان وشک بوون.

 

سیاسەتە نابەرپرسانەکانی حکومەتی ئێران لە ئاستی ژینگەی ڕۆژهەڵاتی کوردستان بووەتە هۆی ڕوودانی دەیان کارەساتی ژینگەیی، حکومەتی ئێران بە مەبەستی گواستنەوەی ئاوی پارێزگاکانی کوردستان بۆ پارێزگاکانی ناوەندی ئێران، دەیان بەنداوی دروستکردووە و ئەوەش بووە بە یەکێک لە هۆکارە سەرکییەکانی وشکەساڵی و ئاگرکەوتنەوە لە دارستانەکانی ڕۆژهەڵاتی کوردستاندا.

 

لەلایەکی دیکەوە مانۆر و ئۆپەراسیۆنە سەربازییەکانی سوپای پاسداران لە زنجیرەچیاکانی زاگرۆس، بەردەوام دەبێتە هۆی ئاگرکەوتنەوە لەو ناو ئەو دارستانانەدا.

 

ئەوانەش وایانکردووە، کە سەرچاوە سروشتییەکانی ڕۆژهەڵاتی کوردستان ڕۆژ لەدوای ڕۆژ زیاتر هەژاربن، کار و پیشەی هاوڵاتیان لە ناوبچێت و ڕووبکەنە کاری مەترسیداری وەک کۆڵبەری.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin