Smiley face
Smiley face
Smiley face

ڕاوێژکارێکی خامنەیی: پێدەچێت ئێران ئیسرائیل هەڵبوەشێنێتەوە

2018-04-12 21:06:10



ڕۆژنیوز – ناوەندی هەواڵەکان

 

ڕاوێژکارێکی عەلی خامنەنیی، ڕێبەری حکومەتی ئێران، هۆشداری دایە ئیسرائیل، کە دووربکەوێتە لە "هەوڵی ئەحمەقیی" و ڕاشیگەیاند:"پێدەچێت ئێران ئیسرائیل هەڵبوەشێنێتەوە".

 

بەگوێرەی ئاژانسی هەواڵی فارس-ی ئێرانیی، ئایەتوڵا عەلی شیرازی، یەکێک لە ڕاوێژکارانی ئایەتوڵا عەلی خامنەیی، ڕیبەری حکومەتی ئێران، لەسەر هێرشەکەی شەوی ٩ لەسەر ١٠ی ئەم مانگە لە سوریا، کە تیایدا ٧ سەربازی ئێران کوژرابوون، هەڕەشەی لە ئیسرائیل کردووە.

 

عەلی شیرازی ڕایگەیاندووە:"ئەگەر ئیسرائیل بییەوێت هەبوونی خۆی بەردەوام بکات، دەبێت دووربکەوێتە لە هەوڵی ئەحمەقیی".

 

هەروەها، وتوویەتی:"ئەگەر ئیسرائیل بەهانە بە ئێران بگرێت، ئەوا تل ئەبیب و هەتفا لەناودەچن".

 

ئەو ڕاوێژکارەی خامنەیی وتوویشییەتی: پێدەچێت ئێران ئیسرائیل هەڵبوەشێنێتەوە.

 

جێگای ئاماژەپێکردنە، شەوی ٩ لەسەر ١٠ی ئەم مانگە، هێرشێکی ئاسمانیی دژی بارەگای سەربازیی (T-4) لە نزیک حومس-ی سوریا ئەنجامدرا، بەهۆیەوە ٧ سەربازی ئێرانیی کوژران، دواتریش هەرسێ وڵاتی ئێران و ڕوسیا و سوریا، ئیسرائیلیان بە ئەنجامدانی ئەو هێرشە تۆمەتبارکرد، ئیسرائیلیش تا ئێستا ئەو تۆمەتەی نە ڕەتکردووەتەوە و نە پشتڕاستیشی کردووەتەوە.

 

عەلی ئەکبەر ویلایەتیی، ڕاوێژکاری یەکەمی خامنەییش لە سەردانی ڕۆژی سێشەممەیدا بۆ سوریا ڕایگەیاندبوو، کە ئەو هێرشە بەبێ وەڵام نامێنێتەوە.

 

ئەمڕۆش، بنیامین ناتانیاهو، سەرۆکی ئیسرائیل ڕایگەیاند:"پەیامێکم بۆ ئێران هەیە، با سووربوونی ئێمە تاقی نەکەنەوە".

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin