Smiley face
Smiley face
Smiley face

ئەمریکا موشەک دەهاوێژێت و ڕووسیا دەیخاتە خوارەوە

2018-04-11 15:25:26



ڕۆژنیوز – ناوەندی هەواڵەکان

 

ڕووسیا دەڵێت"هەر موشەکێکی ئەمەریکی بۆ سوریا بهاوێژرێت دەخرێتە خوارەوە"، سەرۆکی ئەمریکاش دەڵێت: موشەکەکان بەڕێوەن.

 

ئەمڕۆ دۆناڵد ترامپ، سەرۆکی ئەمریکا لە هەژماری تایبەتی خۆی لە تویتەر ڕایگەیاند: ڕووسیا بەڵێنی داوە ئەو موشەکانە بخاتە خوارەوە، کە ئاڕاستەی سووریا دەکرێن، دەی با خۆی ئامادە بکات، چونکە موشەکەکانمان بەڕێوەن.

 

ترامپ، بۆ ڕووسیای نووسیوە:"موشەکەکانمان جوان و زیرەکن، نابێت هاوپەیمان بیت لەگەڵ ئاژەڵێکدا کە بە گازی کیمیایی گەلەکەی خۆی دەکوژێت".

 

دوو ڕۆژ پێش ئێستا، دۆناڵد ترامپ، لە کاردانەوەی هێرشە کیمیاییەکە بۆ سەر شاری دوما لە سوریا، هەڕەشەی لە حکومەتی سوریا کرد و وتی: لە ماوەی دوو ڕۆژی داهاتوودا بڕیاری گرنگ لەبارەی سوریاوە دەدەین.

 

هەریەکە لە سوریا و ڕووسیا-ش ڕەتیدەکەنەوە، کە چەکی کیمییان دژی دوما بەکارهێنابێت و ئەلیکساندەر زاسیبکین، نوێنەری ڕووسیا لە لوبنان بە کەناڵێکی لوبنانی ڕاگەیاند:"ئەگەر هێرشێک بکرێت لەلایەن ئەمەریکییەکانەوە، ئەوا موشەکەکان دەخرێنە خوارەوە و ئەو شوێنانەش کە موشەکەکانیان لێوە هاویژراوە دەکرێنە ئامانج".

 

هەر ئەمڕۆ بۆ دووەم جار و دوای تویتەکەی ترامپ، ماریا خازارۆڤا، وتەبێژی وەزارەتی دەرەوەی روسیا وەڵامی دۆناڵد ترامپی دایەوەو رایگەیاند:"موشەکە زیرەکەکان ئاڕاستەی تیرۆرستان بکە نەک حکومەتی شەرعیی".

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin