Smiley face
Smiley face
Smiley face

لە سلێمانی ٣٠٠ تاوانباری ژینگەیی بەر لێبوردنی گشتیی کەوتوون

2018-04-11 12:45:25



ڕۆژنیوز - سلێمانی

 

چالاکوانانی ژینگە، داوادەکەن یاسای لێبووردنی گشتی ئەو تاوانبارانە نەگرێتەوە، کە لەسەر تاوانی ژینگەیی دەستگیر کراون، ڕاشیدەگەیەن: تەنھا لە پارێزگای سلێمانی ٣٠٠ تاوانباری ژینگەیی بەو یاسایە ئازادکراون.

 

کاتژمێر ١١:٠٠ ی پیش نیوەڕۆی ئەمڕۆ، لەبەردەم باخی گشتی شاری سلێمانی ڕێکخراوی سروشتی کوردستان، گردبوونەوەیەکی دژی یاسای لێبووردنی گشتی ئەنجامدا.

 

لە کۆنگرەیەکی ڕۆژنامەنووسیدا، سەروەر قەرەداغی، ھاوسەرۆکی ڕێکخراوی سروشتی کوردستان، ئاماژەی بەوەدا کە لە ئەمساڵدا تەنھا لە پارێزگای سلێمانی، ٣٠٠ کەس، کە لەسەر تاوانکردن بەرامبەر ژینگە و ئاژەڵان دەستگیر کراون، بەر لێبووردنی گشتی کەوتوون و ئازاد بوون.

 

ناوبراو، دژی یاسای لێبووردنی گشتی وەک ناڕەزاییەک بەپێ لە شارۆچکەی دەربەندیخانەوە چووەتە شاری سلێمانی و وەک ڕێکخراوەکەیان داوایانکرد، کە یاسای لێبووردنی گشتی ئەو تاوانبارانە نەگرێتەوە، چونکە پێیان وابوو ئەوەی تاوان بەرامبەر بە ژینگە ئەنجام دەدات زیان بە بەرژەوەندی گشتیی دەگەیەنێت و ژیانی ھاوڵاتیان دەخاتە مەترسییەوە ھاوشێوەی ئەو کەسانەی کاری تیرۆرستی ئەنجام دەدەن.

 

بەشداربووانی گردبوونەوەکە بە پەڕۆی ڕەش چاوی خۆیان بەستبوو وەک ئاماژەیەک بۆ کوێری یاسا و پەرلەمانی ھەرێمی کوردستان بەرامبەر بە تاوانبارانی ژینگە.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin