Smiley face
Smiley face
Smiley face

​پێشانگایەک شێوەكارانی گەرمیان و هەڵەبجە كۆدەكاتەوە.. بەوێنە

2018-04-05 18:36:46



ڕۆژنیوز – جیهاد هەورامی

 

پێشانگای "سیمفۆنیای ڕەنگ، لە تابلۆكانی كەلار و هەڵەبجەدا"، شێوەكارانی شاری هەڵەبجە و شارۆچکەی کەلار كۆدەكاتەوە و پێکەوە تواناکانیان دەخەنەڕوو.

 

ئێوارەی ئەمڕۆ، لە هۆڵی ئەحمەد موختار جاف لە شاری هەڵەبجە، هەردوو سەنتەری چالاكی گەنجانی هەڵەبجە و كەلار، پێشانگایەكی هاوبەشی شێوەكارییان بەناونیشانی "سیمفۆنیای ڕەنگ، لە تابلۆكانی كەلار و هەڵەبجەدا" بۆ شێوەكارانی هەردوو سەنتەرەکە کردەوە.

 

 

ئامانجی پێشانگاكە، لە چوارچێوەی بەرنامەی منداڵپارێزی كوردستان بۆ گەشەپێدانی توانای گەنجان و بۆ خستنەڕووی زیاتری توانای شێوەكارانی كەلار و هەڵەبجە و كۆكردنەوەیان لە یەك پێشانگای هاوبەش بوو.

 

لە پێشەنگا هاوبەشەکەدا، ١٩ شێوەکاری شارۆچکەی كەلار بە ٢٨ تابلۆ و ٢٨ شێوەکاری هەڵەبجەش بە ٦٠ تابلۆ بەشدارییان کردبوو.

 

بەشێکی زۆری تابلۆکان، گوزارشت بوو لە ڕۆڵی ژن و سروشتی كوردستان و كارەساتەكانی گەلی كورد لە باشوری كورستان، بەتایبەت ئەنفال و كیمیاباران.

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin