Smiley face
Smiley face
Smiley face

فیستیڤاڵی گەلاوێژ بەخولی عەفرین دیاریكرا

2018-04-05 11:38:02



ڕۆژنیوز – ڕۆزە محەمەد

 

٢١-یەمین فیستیڤاڵی گەلاوێژ بەخولی عەفرین دیاریكرا و لە سلێمانی دەستیپێکرد.

 

ئەمڕۆ، ٢١-یەمین فیستیڤاڵی گەلاوێژ لەژێر ناونیشانی "بەرەو تێپەڕاندنی چوارچێوە داخراوەكان" بە خولی عەفرین دیاری کرا و بڕیارە ماوەی سێ ڕۆژ لەهۆڵی تەوار بەردەوامبێت.

 

لە فیستیڤاڵەکەدا مەلا بەختیار وەک سەرپەرشتیاری فیستیڤاڵەکە، ڕایگەیاند: تا ٢٥-یەمین فیستیڤاڵی گەلاوێژ من گەرەنتی بەردەوام بوونی دەدەم و لەگەڵی دەبم و سەرپەرشتی دەکەم، بەڵام دوای ئەوە ئیتر فیستیڤاڵەکە دەسپێرم بە کەسانی دیکە.

 

بەپێی كارنامەی فیستیڤاڵ، دیداری شیعری و دیداری چیرۆك و پێشكەشكردنی توێژینەوەی عەرەبی و فارسی و كوردی لەسەر چەند تەوەرێكی جیاواز پێشکەش دەکرێن.

 

لە كارنامەكەشدا هاتووە، پیشانگەی كتێب لەهۆڵی كتێبخانەی گشتیی سلێمانی و پیشانگای شێوەكاری لەلایەن گروپی هونەریی دڵخواز دەربارەی بەرخودانی عەفرین دەكرێنەوە و چەندین شیعر لەلایەن شاعیرانەوە پێشکەش دەکرێن و چەندین دیداری چیرۆک و بابەتی هونەری پێشکەش دەکرێن.

 

لەكۆتایی فیستیڤاڵەکەشدا خەڵاتی (فوئاد مەجید میسری) بە ڕۆماننوسێكی كورد  و خەڵاتی (كوردستان) بە داهێنەرێكی بیانی و خەڵاتی تایبەت بەسەركەوتووانی ناو فێستیڤاڵەکە دەدرێن.

 

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin