Smiley face
Smiley face
Smiley face

١١یەمین فیستیڤاڵی ٤ی نیسان لە مەخمور دەستپێدەکات

2018-04-02 18:04:27



ڕۆژنیوز - ناوەندی هەواڵەکان

 

سبەینێ ١١-یەمین فیستیڤاڵی چواری نیسان، بەبۆنەی ڕۆژی لەدایکبوونی عەبدوڵا ئۆجالان، ڕێبەری پەکەکە لە کامپی مەخمور دەستپێدەکات و تا ٦ی نیسان بەردەوام دەبێت.

 

بڕیارە، کاتژمێر ٠٨:٠٠ی سەرلەبەیانی سبەینێ ٣ی نیسان، ١١یەمین خولی فیستیڤاڵی چواری نیسان لە کامپی پەنابەرانی شەهید ڕوستەم جودی لە مەخمور دەستپێبکات.

 

لەبارەی بەرنامەکانی فیستیڤاڵەکەوە، مامۆستا خەلیل کارا، ئەندامی کۆمیتەی ئامادەکاری فیستیڤالەکە، بۆ ڕۆژنیوز وتی: سبەینێ پیشانگاکان دەکرێنەوە و هەموو پێشبرکێ وەرزشییەکانیش لە خوێندگاکان دەستپێدەکەن، ڕۆژی ٤ی نیسان کاتژمێر ٠٦:٠٠ی سەرلەبەیانی نەمام ناشتن دەستپێدەکات و پاشان بەرنامەکانی فیستیڤاڵ دەستپێدەکەن، ڕۆژی ٥ی نیسان خەڵاتی خوێندکاران لەلایەن مامۆستایانەوە پێشکەشدەکرێت.

 

 

وتیشی: ڕێبەر ئۆجالان لە بارەی منداڵانی مەخمورەوە وتبووی، کە منداڵانی مەخمور منداڵی خۆمن، منداڵانی ئەم کامپە بە ئادیۆلۆژیی ڕێبەرایەتی پەروەردە دەبن، ئێمە وەک مامۆستایانی کامپەکە، ڕۆژی لەدایکبوونی ڕێبەرایەتی بە ئەنجامدانی ئەو فیستیڤاڵە پیرۆزدەکەین.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin