Smiley face
Smiley face
Smiley face

پێشمەرگەیەکی حدکا دوای وەسیەتکردن خۆی کوشت

2018-03-24 10:27:57



ڕۆژنیوز – ناوەندی هەواڵەکان

 

پۆلیسی کۆیە ڕایدەگەیەنێت، کە پێشمەرگەیەکی حزبی دیموکراتی کوردستانی ئێران دوای وەسیەتکردن خۆی کوشتووە.

 

بەپێی ڕاگەیەندراوێکی بەڕێوبەرایەتی پۆلیسی کۆیە، پاش نیوەڕۆی دوێنێ لە ناوچەی زەویە سپی سەر بە شارۆچکەی کۆیەی پارێزگای هەولێر،  (حامید قادر حمدمین) لەدایکبووی ساڵی ۱۹۷۰ و پێشمەرگە و کادیری حیزبی دیموکراتی کوردستان ئێران (حدکا)، خۆی کوشتووە.

 

بەپێی ڕاگەیەندراوەکە، حامید قادر، بە ئۆتۆموبێلی تایبەتی خۆی چەند سەد مەترێک لەماڵەکەی دوورکەتووەتەوە و بە مۆبایل پەیوەندی بە هاوسەرەکەیەوە کردووە و گەردن ئازادیی لیکردووە و وەسیەتی بۆ کردوو، پاشان فیشەکیکی دەمانچەی جۆری کلۆک-ی بەسەر دڵی خۆیەوە

ناوە و کۆتایی بە ژیانی خۆی هێناوە.

 

پۆلیس، ئاماژەی بۆ ئەوەش کردووە، کە دوای ئەنجامدانی کاری پێویست دادوەری لێکوڵینەوەی لێ ئاگادارکرایەوە و لاپەرەی لیکوڵینەوە لە بنکەی پۆلیسی نەخۆشخانە کراوەتەوە و بە پێی تایبەت مەندی لێکوڵینەوە بەردەوام دەبیت لە بنکەی پولیسی باواجی.

 

لە ڕاگەیەندراوەکەدا، ئاماژە بە هۆکاری خۆکوشتنەکە و وەسێتی خۆکوژەکە نەکراوە.

 

جێگای ئاماژەیە بەپێی ڕاگەیەندراوێک کە ڕۆژنیوز لای خۆی کۆیکردووەتەوە، لەسەرەتای ئەمساڵەوە بەم حاڵەتەوە ٩٤ هاوڵاتی لە باشوری کوردستان کوژراون و خۆیان کوشتووە.

 

شوێنی خۆکوشتنی پێشمەرگەکەی حدکا

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin