Smiley face
Smiley face
Smiley face

خوێندکارانی سویسرا بۆ عەفرین چالاکیان ئەنجامدا.. بە وێنە

2018-03-23 12:46:33



ڕۆژنیوز – ناوەندی هەواڵەکان


کۆمەڵێک لە خوێندکارانی زانکۆی زوریخ لە کانتۆنی زوریخ لە سویسرا بە دروشمی"عەفرین بپارێزە" چالاکییان بەڕێوەبرد.


دوێنێ، خوێندکارانی زانکۆی زوریخ لە وڵاتی سویسرا بە ئامانجی شەرمەزارکردنی داگیرکاری سوپای تورکیا لە عەفرین، بەرەو کونسوڵخانەی تورکیا بە دروشمی "ئێمە لە بەرامبەر داگیرکەریدا بێ دەنگ نابین" ڕێپێوانیان کرد.


لە شوێنی دەستپێکردنی ڕیپێوانەکە پانکارتیکی گەورەیان هەڵواسیبوو، کە لێی نوسرابو "ڕۆژئاوا بپارێزن"، هەروەها خوێندکاران بە درێژایی ئەو ڕۆژە بۆعەفرین چالاکییان ئەنجامدا.


بەسەدان خوێندکار لە گۆڕەپانی بینای سەرەکی زانکۆی زوریخ بە دروشمی "بژی بەرخۆدانی عەفرین"، " هەموو شوێنێک عەفرینە"، "ئێمە لە بەرامبەر داگیرکاری بێدەنگ نابین" کە بە زمانی ئەڵمانی نوسرابوو، داگیرکەریی تورکیایان لە سەرعەفرین شەمەزار کرد و پاشان بە ڕاگەێندراوێک ناڕازیبوونی خۆیان لە بەرامبەر دەوڵەتی تورکیا نیشاندا.


ئەو خوێندکارانە ڕایانگەیاند، کە هیچکات ئەو داگیرکارییەی سوپای تورکیا قبوڵ ناکەن و داوایان لە هەموو کۆمەڵگەی نێودەوڵەتی کرد کە پشتگیری گەلی کورد بکەن.


هەروەها ڕاشیانگەیاند: شۆڕشی ڕۆژئاوای کوردستان بوو بە هیوای هەموو گەلان.


ئەو خوێندکارانە باسیان لەوەشکرد: کە دەوڵەتی سویسرا بە فرۆشتنی چەک لە تورکیا و ڕۆژهەڵاتی ناوەڕاستدا شەریکە لە داگیرکردنی عەفرین، هەروەها باس لەوەکرابوو دەبێت وڵاتان پێداچونەوە بکەن بە فرۆشتنی چەک بەتورکیا.


دوای خوێندنەوەی ڕاگەیندراوەکە، خویندکاران بەرەو بینای کونسوڵخانەی حکومەتی تورکیا بەڕێکەوتن و لە بەردەم کونسوڵخانەی تورکیا داوایان لەو وڵاتە کرد کە کۆتایی بە داگیرکاریی عەفرین بێنیت.

 


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin