Smiley face
Smiley face
Smiley face

عێراق: سنووربەزاندنەکانی تورکیا خزمەت بە پێشخستنی پەیوەندییەکانمان ناکات

2018-03-22 19:39:18



ڕۆژنیوز – ناوەندی هەواڵەکان

 

وەزارەتی دەرەوەی عێراق، ئیدانەی هێرشەکانی فڕۆکە جەنگییەکانی سوپای تورکی کرد لە خاکی باشوری کوردستان، ڕاشیگەیاند: ئەو کارەی تورکیا خزمەت بە پێشخستنی پەیوەندییەکان ناکات.

 

ئێوارەی ئەمڕۆ، وەزارەتی دەرەوەی عێراق، بەیاننامەیەکی لەسەر هێرشەکەی بەرەبەیانی ئەمڕۆی فڕۆکە جەنگییەکانی سوپای تورک لە دۆڵی باڵەیان-ی سەر بە شارەدێی قەسرێ لە شارۆچکەی چۆمان بڵاوکردەوە، کە بەهۆیەوە چوار هاوڵاتی شەهیدبوون و دوو لە شەهیدەکان پێشمەرگە بوون.

 

لە بەیاننامەکەدا، وەزارەتی دەرەوەی عێراق، بۆردوومانی فڕۆکە جەنگییەکانی تورکیای لە گونده‌كانی وەسان و سەرکان و ماونا-ی لە دۆڵی باڵەیان شەرمەزار کردووە، کە بەهۆیانەوە ژمارەیەک هاوڵاتی شەهیدبوون.

 

ڕاشیگەیاندووە: ئه‌م سنووربەزاندنەی حکومەتی تورکیا،‌ خزمه‌ت به‌ پێشخستنی په‌یوه‌ندییه‌كانی نێوان هه‌ردوو وڵات ناكات.

 

هەر لە بەیاننامەکەدا، وەزارەتی دەرەوەی عێراق، دژایەتیی وڵاتەکەی بۆ هەوڵی ئەنجامدانی ئۆپراسیۆنی سەربازیی لەسەر خاکی عێراق لە لایەن وڵاتانی دراوسێوە ڕاگەیاندووە.

 

جێگای بیرهێنانەوەیە، بەرەبەیانی ئەمڕۆ فڕۆکە جەنگییەکانی تورکیا گوندەکانی وەسان و سەرکان و ماونای سەر بە شارەدێی قەسرێ-یان لە سنوری چۆمان لە دۆڵی باڵەیان-ی پارێزگای هەولێر کردە ئامانج بەو هۆیەشەوە چوار هاوڵاتی شەهیدبوون کە دوانیان پێشمەرگە بوون و بۆ بەسەر بردنی کاتێکی خۆش ڕوویان لەناوچەکە کردبوو.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin