Smiley face
Smiley face
Smiley face

هاوکارییەکانی ئەڵمانیا بۆ تورکیا ناڕەزایی ئەڵمانەکانی لێ دەکەوێتەوە

2018-03-22 19:22:55



ڕۆژنیوز – لایپیزیک

 

لە دژی هاوکارییەکانی حکومەتی ئەڵمانیا بۆ تورکیا فرۆشتنی چەک پێی و بێدەنگبوونی لەبەرامبەر کۆمەڵکوژییەکانی عەفرین، ژمارەیەک چەپی ئەڵمان لەبەردەم بارەگای سۆسیال دیموکراتەکان گردبوونەوە و بەشێکیشان چوونە ناو بارەگاکە.

 

ئێوارەی ئەمڕۆ، لە شاری لایپیزیک-ی وڵاتی ئەڵمانیا، ژمارەیەک ئازادیخوازی چەپی ئەڵمان، بە مەبەستی دەربڕینی ناڕەزایی دژی حکومەتی وڵاتە، چوونە ناو بارەگای پارتی سۆسیال دیموکراتی ئەڵمانیا.

 

پارتی سۆسیال دیموکراتی ئەڵمانیا SPD، دووەمین پارتی سیاسی و دەسەڵاتداری ئەڵمانیایە کە زۆرترین پۆستی وەزارەتەکانی ئەو وڵاتە سەر بەو پارتەن.

 

ئەم هەڵوێستەی ئەو ئازادیخوازانە دوای ئەوە هات کە داگیرکارییەکانی سوپای داگیرکەری تورک بۆ سەر خاکی ڕۆژئاوا هەمووی بە چەک و تانکی ئەڵمانی بەڕێوەدەچێت و حکومەتی ئەڵمانیاش هیچ هەڵوێستێکی جدی نییە.

 

لە ئێوارەوە هەتا ئامادەکردنی ئەم هەواڵە، ئەو ئازادیخوازانە لەبەردەم بارەگای پارتەکە لە لایپیزیک کۆبوونەوتەوە، ئەوەش لە کاتێکدایە کە لە بارەگاکەدا کۆبوونەوەی پارتی سۆسیال دیموکراتەکان بەڕێوەدەچێت، وا بڕیارە دواتر کۆنگرەیەکی رۆژنامەوانی لەو بارەیەوە ببەسترێت.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin