Smiley face
Smiley face
Smiley face

شاندێکی ئەمریکا لە منبیجە و دەڵێت وەڵامی هەموو هێرشێکی تورکیا دەدەینەوە

2018-03-22 15:54:44



ڕۆژنیوز - ناوەندی هەواڵەکان

 

شاندێکی باڵای ئەمریکیی لە منبیجە و لەگەڵ بەڕێوبەرانی شارەکەدا کۆبوونەوە، شاندەکە دەڵێن وەڵامی هەموو هێرشێکی تورکیا بۆ سەر منبیج دەدەنەوە.

 

بەگوێڕەی هەواڵێکی ئاژانسی هەواڵی هاوار، ئەمڕۆ شاندێکی باڵای سەربازی و دبلۆماسیی ئەمریکا گەیشتووەتە منبیج  و لەگەڵ بەڕێوبەرانی ئەنجومەنی مەدەنی منبیج کۆبوونەوەتەوە.

 

ڕاگەیەندراوە، کە جیمی گێرارد، نوێنەری سەربازی و ویلیام ڕوبیک، نوێنەری وەزارەتی دەرەوەی ئەمریکان لەو شاندەدا.

 

ئیبراهیم قەفتان لەو بارەیەوە بە ئاژانسی هەواڵی هاواری ڕاگەیاندووە، کە لە گۆفتوگۆکانمان لەگەڵ شاندی ئەمریکا دەرئەنجام ئەوە بوو، کە بەردەوامبن لە پشتگیریی سیاسی و سەربازییان بۆمان، هەوەراها وەڵامی هەموو هێرشێکی حکومەتی تورک بۆ سەر منبیج بدەنەوە.

 

ئەو شاندە سەردانی ناو بازاڕی منبیجیشیان کردووە و ڕایانگەیاندووە، کە دۆخی منبیج هەر وا بە ئاسایش دەمێنێتەوە.

 

پاشان سەردانی ناوەندی ئەنجومەنی مەدەنی شارەکەیان کردووە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin