Smiley face
Smiley face
Smiley face

هیومان ڕایتس وۆچ: تورکیا پەنابەرەکان یان دەکوژێت یا سنوورداشیان دەکات

2018-03-22 15:51:46



ڕۆژنیوز - ناوەندی هەواڵەکان

 

هیومان ڕایتس وۆچ لە دوایین ڕاپۆرتیدا ئاشکرایکردووە، کە سوپای تورک پەنابەرە سورییەکان یان دەیانکوژێت، یان بە کۆمەڵ سنوورداشیان دەکات، داواشی لە یەکێتی ئەوروپا کرد، کە بە دواداچوون بۆ ئەو بابەتە بکات.

 

هیومان ڕایتس وۆچ ئەمڕۆ ڕاپۆرتێکی بڵاوکردەوە و تێیدا باسی لە سنوورداشکردنی پەنابەرە سورییەکان لە تورکیا کرد، کە لە مانگی ١٢ی ساڵی پارەوە هەزاران پەنابەر بەکۆمەڵ لە سنوورەکانی تورکیا دەرکراون.

 

هیومان ڕایتس وۆچ ڕایگەیاند: ئەو پەنابەرانەی هەوڵ دەدەن لە ڕێگای قاچاخەوە بەرەو تورکیا تێپەڕبن، یان دەکوژرێن و یان برینداردەکرێن، ئەو سوریانەش کە لەوێ مافی پەنابەرییان دراوەتێ بە کۆمەڵ سنوورداش دەکرێن و لە تورکیا دەردەکرێن.

 

گەری سیمپسۆن، یاریدەری بەڕێوبەری بەرنامەکانی هیومان ڕایتس وۆچ بۆ پەنابەران ڕایگەیاند: سەربازەکانی سوپای تورک سەر سنوورەکانیان لەگەڵ سوریایان گرتووە و لە کاتی تێپەڕبوونی پەنابەران لەوێوە دەیاندەنە بەر دەسترێژی گولـلە.

 

وتیشی: پێویستە یەکێتی ئەوروپا ئاگای لە پێشێلکارییەکانی مافی مرۆڤ لەلایەن تورکیا دەرهەق پەنابەران بێت، بۆ ئەوەش فشار بخاتە سەر تورکیا.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin