Smiley face
Smiley face
Smiley face

مانگرتن لە خواردن بۆ عەفرین لە بەردەم ناوەندی نەتەوە یەکگرتووەکان بەردەوامە

2018-03-22 14:00:39



ڕۆژنیوز - ناوەندی هەواڵەکان

 

پەرلەمانتارانی پارتی دیموکراتی گەلان (ھەدەپە)، بەردەوامن لە مانگرتن لە خواردن لەبەردەم بینای نەتەوە یەکگرتوەکان لە شاری جنێفی سویسرا.

 

مانگرتووەکان بە شایی و ئاھەنگ نەورۆزیان پیرۆز کرد و داوای دەستێوەردانی بەپەلەی ھێزە نێودەوڵەتییەکانیان کرد بۆ وەستانی ئەو کۆمەڵکوژییەی بەرامبەر ھاوڵاتیانی عەفرین ئەنجام دەدرێت.

 

پەرلەمانتارانى هەدەپە، هاوسەرۆکی شارەوانییەکان، نوسەران و ڕۆژنامەنووسان لەبەردەم ناوەندی سەرەکیی نەتەوە یەکگرتوەکان لە جنێفی سویسرا، لە پێناو ڕێگریکردن لە کۆمەڵکوژکردنی ھاوڵاتیانی سڤیلی عەفرین داواکارن بەپەلە نەتەوە یەکگرتووەکان سنوورێک بۆ ھێرش و بۆردوومانەکانی سوپای تورک دابنێت و ئاسمانی عەفرین بەڕووی فڕۆکە جەنگیەکانی تورکیادا دابخات.

 

مانگرتنەکە لە رۆژى دووشەممەوە بەردەوامە و تیایدا دروشمەکانى "بژى بەرخۆدانى عەفرین"، "هەموو شوێنێک عەفرینە و لە هەموو شوێنێک بەرخۆدان"، "نەتەوە یەکگرتووەکان مەبە بە هاوبەشى تاوان" و "داگیرکەرییەکە بوەستێنن"یان، بەرزکردووەتەوە.

 

لقى گەنجانى حزبى سۆسیالیستى سویسرا (JUSO) سەردانى مانگرتووانى کرد و ڕایانگەیاند، پشتگیرییان بۆ گەلى کورد زیاتر و بەهێزتر دەکەن.

 

هەروەها ستیڤان دیمستورا نوێنەری نەتەوە یەکگرتوەکان بۆ کاروباری سوریا، سەردانی مانگرتوەکانی کردووە و داواکاریەکانی لێوەر گرتون.

 

 

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin