Smiley face
Smiley face
Smiley face

تەرمی كچ و کوڕێک لە كەركوک بە شێواویی دۆزرانەوە

2018-03-20 11:30:04



ڕۆژنیوز – هاوار ستار

 

پۆلیسی کەرکوک ڕایگەیاند، دوو تەرم دۆزراونەتەوە، کە کچ و کوڕێکە و پاش كوشتنیان سوتێنراون و شێواون.

 

بەیانی ئەمڕۆ، لەشەقامی خۆڵەكەی گەڕەكی كۆمپانیای تارق، لە لایەن تیمەكانی بنكەی پۆلیسی دۆمیزەوە، دوو تەرم دۆزرانەوە.

 

عەقید ئەفراسیاو كامیل، وتەبێژی پۆلیسی كەركوك، بە ڕۆژنیوز ڕاگەیاند:"ئاگاداركراینەوە لە هەبوونی دوو تەرم و تیمەكانی پۆلیس گەیشتنە شوێنی تەرمەكان و هەڵگیرانەوە و پاشان ڕەوانەی پزیشكی دادوەریی كران، بۆ پشكنین و لێكۆڵینەوە".

 

وتیشی:"تەرمەكان ئاسەواری سوتانێكی زۆریان پێوەبووە، ناناسرێنەوە بەڵام بەهۆی ئەندامەكانی لەشیانەوە دەركەوتووە تەرمی هەردوو ڕەگەزن واتا یەكیان مێینەیە ئەوی تر نێرە، دەبێت پشكنینی وردیان بۆ بكرێت".

 

ئەوەشی خستەڕوو: لە شوێنی ڕووداوەكە هیچ ئاسەوار و ناسنامەیەك نەدۆزراونەتەوە و دۆسیە كراوەتەوە و لێكۆڵینەوە بەرداوەمە.

 

بەپێی ئامارێکی ڕۆژنیوز-یش لە ئەمساڵدا لە باشوری کوردستان 92 کەس کوژراون و خۆیان کوشتووە.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin