Smiley face
Smiley face
Smiley face

خۆپیشاندانی مامۆستایان و کارمەندانی تەندروستیی بەڕێوەدەچێت

2018-03-20 11:12:01



ڕۆژنیوز - پەیامنێران

 

لە سلێمانی و هەڵەبجە،کەلار و قەڵادزێ، مامۆستایان دژی بەردەوامیی پاشەکەوتکردنی مووچەکانیان دەستیان بە خۆپیشاندان کرد و لە سەرەتای خۆپیشاندانەکەشدا دەستەکانیان بەرزکردەوە بۆ ڕێزگرتن لەگیانی شەھیدانی عەفرین.

 

ئەمڕۆ، کاتژمێر ١٠:٠٠ مامۆستایانی شاری سلێمانی و هەڵەبجە و شارۆچکەی کەلار  و شارۆچکەی ڕانیە ڕژانە سەر شەقامەکان.

 

خۆپیشاندانی مامۆستایان دژی بەردەوامیی سیستمی پاشەکەوتی مووچەیە و پێیانوایە، کە حکومەتی هەرێم و بەغدا ڕێککەوتوون، کە  بەردەوامبن لەسەر ئەو سیستمە.

 

 

مامۆستایانی سلێمانی، لەبەردەم پەروەردەی ڕۆژئاوا گردبوونەوە و شەقامی سالم-یان گرت، لەسەرەتادا دەستەکانیان بەرزکردەوە بۆ ڕێزگرتن لەگیانی شەھیدانی عەفرین.

 

 

لە گردبوونەوەکەیاندا مامۆستایان دروشمی "درۆتان کرد خەجاڵەت بن"، " لەنێوان دوو حکومەتدا، ڕەنجمان درا بەبادا"، " سیاسەت بۆ خۆتان و ژیان بۆ ئێمە" " بڕوخێ دز، شەریکی دز" یان بەرزکردووەتەوە.

 

مامۆستایان بەڕێکەوتن بەرەو کامپی نوێی زانکۆی سلێمانی و بڕیارە شەقامی بەردەم زانکۆ بگرن.

 

لە شارۆچکەی کەلاری ناوەندی ئێدارەی گەرمیان-یش، بەبەشداری ژمارەیەکی زۆری مامۆستایان و فەرمانبەران و کارمەندانی تەندروستی وچین و تۆێژە جیاجیاکان، خۆپیشاندان لە ناو بازاڕی کەلارەوە دەستی پێکرد بۆ بەردەم قائمقامیەتی شارۆچکەکە و لەبەردەم قائیمقامیەت  دوای پێشکەشکردنی چەند وتارێک، بڕیاردرا ڕۆژی یەکشەمە جارێکی تر خۆپیشاندان ئەنجام بدرێتەوە.

 

 

لە شاری هەڵەبجەش، مامۆستایان و کارمەندانی تەندروستیی لەبەردەم فولکەی عومەری خاوەرەوە خۆپیشاندانیان دەستپێکرد و بەڕێپێوان بەناو بازاڕ بەرەو باخی گشتی بەڕێکەوتن.

 

خۆیشاندەران بەدەم وتنەوەی دروشمەکانی "دزی و سەفقەی ژێربەژێر، هەموتانی کردووە بە کوێر" ، "ئەم درۆ و دووفاقیە لوتکەی بێ ئەخلاقییە" ، "عەبادی ئێمەش هاوڵاتی ئەم عێراقەین"دوو حکومەت دوو ئیدارە، بەدەست نەخوێندەوارە" بەردەوامی بە خۆپیشاندان دەدەن.

 

 

لە شارۆچکەی ڕانیەی ناوەندی ئیدارەی ڕاپەڕین-یش مامۆستایان و فەرمانبەران و پزیشکان لەبەردەم بەڕێوبەرێتی پەروەردەی ڕانیە گردبونەوە و تەئیکیدیان لەسەر بەردوامی بایکۆت کردەوە تاکو تەواوی شایستەدارایەکانیان وەردەگرن.

 

 

ش.ف

 
 
 
 
 


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin