Smiley face
Smiley face
Smiley face

گۆڕان و کۆمەڵ: عێراق پارەی فەرمانبەرانی هەرێمی نەداوەتە دەستێکی ئەمین

2018-03-19 15:19:30



ڕۆژنیوزـ سلێمانی

 

حکومەتی بەغدا پێچەوانەی بەڵێنەکانی خۆی پارەی ناردووە حکومەتی هەرێمی کوردستان و پەرلەمانتارانیش نیگەرانن پارەکە لە دەستێکی ئەمیندا نییە و بۆ فەرمانبەران خەرج نەکراوە.

 

ئەمڕۆ لە نووسینگەی ئەنجومەنی نوێنەرانی عێراق لە شاری سلێمانی، بۆ ئەحمەدی حاجی ڕەشید و ئەمین بەکر، ئەندامانی ئەنجومەنی نوێنەرانی عێراق، کۆنگرەیەکی ڕۆژنامەنووسییان ئەنجامدا.

 

لە کۆنگرەکەدا، ئەمین بەکر، لە فراکسیۆنی گۆڕان وتی: حەیدر عەبادی چەن جارێک بەڵێنی داوە بە پێدانی مووچەی فەرمانبەران بەبێ کەمکردنەوە، ئەوەی جێی نیگەرانییە، کە زانیمان پارە نێردراوە بۆ حکومەتی هەرێم و حکومەت هێشتا هەر بە نیو مووچە پارە دابەش دەکات.

 

 

ئەمین بەکر، وتیشی: لە پێناوی بەرژەوەندی گشتی داواکارین لە سەرۆکی حکومەتی فیدڕاڵی بە پێی ئەو بەڵێنەی کە پێی داوین مووچەکان بە تەواوەتی خەرج بکات و بگاتە دەستی فەرمانبەرانی تەندروستی و پەروەردە.

 

پاشان، ئەحمەدی حاجی ڕەشید، لە فراکسیۆنی کۆمەڵی ئیسلامیی ڕایگەیاند: حکومەتی فیدراڵ ٣١٧ ملیارد دیناری ناردووە بۆ هەرێمی کوردستان، ڕۆژانە ٣٠٠ هەزار بەرمیل نەوت کەمتریان نەناردووەتەدەرەوە و مانگی پێشوو بە بەیانات لامانە، کە ۳۷۰هەزار بەرمیل نەوتی ڕۆژانە فرۆشتووە، کەواتە حکومەت هەرێم نزیکەی ٥٥٠ ملیارد دیناری هەیە و بەمەشەوە دەکاتە نزیکە ۸۷۰ملیار دینار.

 

 

هەروەها، وتی: دڵنیایین کە حکومەتی هەرێمی کوردستان پارەو داهاتی بەبێ پاشەکەوت لە بەردەستدایە و نایەوێت خەرجی بکات ژیانی ئاسودە بۆ فەرمانبەران دروست بێت.

 

ئەحمەدی حاجی ڕەشید، وتیشی: ئەگەر ڕێکەوتن لەنێوان هەرێم و عێراق-دا هەبێت لە سەر حسابی بەرژەوەندی خەڵکی هەرێمی کوردستان ئەوا بە دواداچوون و لێپێچینەوە دەکەین.

 

هەردوو پەرلەمانتار، ڕایانگەیاند، کە حکومەتی هەرێمی کوردستان جێگای سیقە نییە و ئەو پارەیەی عێراق ناردوویەتی لە دەستێکی ئەمیندا نییە.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin