Smiley face
Smiley face
Smiley face

لە ڕانیە گردبوونەوەیەک بۆ عەفرین بەڕێوەچوو

2018-03-18 18:47:02



ڕۆژنیوز - محەمەد حەسەن

 

بۆ پشتیوانیکردن لە بەرخۆدانی عەفرین، لە شارۆچکەی ڕانیە گردبوونەوەیەک بەڕێوەچوو و تیایدا داواکرا، کە هەموو شوێنێک ببێتە مەیدانی چالاکیی بۆ عەفرین.

 

ئێوارەی ئەمڕۆ، بە دەستپێشخەریی تەڤگەری ئازادیی کۆمەڵگەی کوردستان، لەناو بازاری شارۆچکەی ڕانیەی ناوەندی ئیدارەی ڕاپەڕین، گردبوونەوەیەکی جەماوەریی بۆ پشتگیریی عەفرین بەڕێوەچوو.

 

لە گردبوونەوەکەدا، خالد مستەفا، ئەندامی دەستەی بەرێوەبەریی تەڤگەری ئازادیی کۆمەڵگەی کوردستان، وتارێکی پێشکەشکرد و وتی: شۆڕشی ڕۆژئاوای کوردستان بووەتە شۆڕشی هەموو گەلانی ئازادیخواز، ئەو شەڕەی ئەمڕۆ لە عەفرین دەکرێت دژی داگیرکەران، شەڕی تاریکیە لە بەرامبەر ڕووناکی، دەوڵەتی داگیرکەری تورکیا و هەموو دوژمنانی کورد یەک هەڵوێستن.

 

 

جەختیشیکردەوە، کە شکانی و داگیرکردنی عەفرین شکانی هەولێر و ئامەد و هەموو کوردستانە، گەلی کورد دەبێت وریابێت لە ئاستی پیلانگێرییەکان.

 

ئەو ئەندامەی دەستەی بەرێوەبەریی تەڤگەری ئازادیی، بانگەوازیی لە گەلی کورد کرد، کە بە هەر جۆرێک کە دەتوانن، هەموو شوێنەکان بکەنە مەیدانی چالاکیی بۆ عەفرین، دەشڵێت: ئەو شەڕە، شەڕی کەرامەت و نامووس و مڕۆڤایەتییە، هەر کەس لێی بێدەنگ بێت، واتا لەگەڵ ئەو ناحەقییەی دەوڵەتی تورکدایە.

 

لەکۆتایی گردبوونەوەکەدا، بڕیاردرا، کە هەموو ڕۆژێک کاتژمێر ٠٤:٠٠ی ئێوارە لە بەردەم باخی گشتیی شارۆچکەی ڕانیە کە دەکەوێتە ناو بازاڕی شارۆچکەکە، درێژە بە گردبوونەوەکان بۆ پشتگیریی عەفرین بدرێت.

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin