Smiley face
Smiley face
Smiley face

بەڕێوەبەریی عەفرین: لە هەموو شوێنێکی عەفرین بەرخۆدان بەردەوامە

2018-03-18 16:12:10



ڕۆژنیوز – ناوەندی هەواڵەکان

 

بەڕێوەبەریی خۆسەری دیموکراتیی کانتۆنی عەفرین ڕایگەیاند، کە بەئامانجی ڕێگرتن لە دروستنەبوونی کارەساتی مرۆیی لە عەفرین، هاوڵاتیانی مەدەنییان لە عەفرین دەرکردووە، جەختیشی کردەوە، کە لە هەموو شوێنێکی عەفرین ‌هێزیان هەیە و بەرخۆدانیش کەتووەتە قۆناغێکی نوێ.

 

ئێوارەی ئەمڕۆ، بەڕێوەبەریی خۆسەری دیموکراتیی کانتۆنی عەفرین، لەسەر دوایین دۆخی ئێستای عەفرین، کۆنگرەیەکی ڕۆژنامەنووسییان بە ئامادەبوونی نوێنەرانی دامودەزگاکانی عەفرین و هێزەکانی یەپەگە و یەپەژە و قەسەدە لە کانتۆنی شەهبا ئەنجامدا.

 

لە کۆنگرە ڕۆژنامەنووسییەکەدا، عوسمان شێخ عیسا، هاوسەرۆکی ئەنجومەنی بەڕێوەبەریی عەفرین، لێدوانێکی خوێندەوە و تیایدا هاتبوو: لە عەفرین قڕکردن و بەزۆر کۆچبەرکردن بەڕێوەدەچێت، بە سەدان هاوڵاتی مەدەنی ڕووبەڕووی هەموو جۆرە هێرشێک بوونەوە، ئەنجامەکەشی بۆ ئەوە دەگەڕێتەوە، کە ئەرکە مرۆیی و سیاسییەکانی خۆیان بەرامبەر گەلەکەمان و شەڕڤانانی ئێمە پێکنەهێنا، کە جیهان لە داعش و ئەردۆغان دەپارێزن.

 

ئەوەش هاتووە: دەوڵەتی تورکی داعشیی، لە گۆڕینی دیمۆگرافیای عەفرین-دا، چەتەکان بەکاردێنێت، لەجێی خەڵکی ئەو ناوچانە، هێزی پاشکەوتوو و ماڵەکانیان جێگیردەکات، ئەو دوڵەتە سەدان هاوڵاتی مەدەنیی شەهیدکرد، کە دیانویست خۆیان لە هێرشەکانی ئاکەپە بپارێزن، سیاسەتی قڕکردن دژی گەلێک بەڕێوەدەبات.

 

هەروەها، ئەوەش هاتووە: لەماوەی ٥٨ ڕۆژدا، گەل و شەڕڤانانمان بەرخۆدانێکی گەورەیان دژی دوویەمین هێزی ناتۆ بەڕێوەبرد، با هەموو جیهان بزانێت، کە گەل و شەڕڤانانی ئێمە بە ئیرادەیەکی پۆڵایینەوە، ڕووبەڕووی دڕندەیی و وەحشیگەریی سوپای تورک بوونەوە.

 

ڕاشگەیەندرا: لەبەر ئەوەی سوپای تورک هاوڵاتیانی مەدەنیی دەکردە ئامانج، بە نموونە لەم دوو ڕۆژەی کۆتاییدا، ٥٦ منداڵ و ژن-ی شەهیدکرد، بەشێوەیەکی پیلان بۆداڕێژراو بیناکانی عەفرینی دەڕووخاند، بڕیاری دەرکردنی هاوڵاتیانی مەدەنییماندا لەناو عەفریندا.

 

بەڕێوەبەریی خۆسەری دیموکراتیی عەفرین، جەختیشی کردووەتەوە: شەڕی ئێمە لەدژی داگیرکاریی دەوڵەتی تورک و هێزە تاریکپەرستەکانی بەناو سوپای ئازاد بەردەوامە، بەڵام شەڕەکە کەوتووەتە قۆناغێکی نوێ و تاکتیکی نوێ، بۆ ئەوەی ڕێ لە کوشتنی هاوڵاتیانی مەدەنیی بکرێت و گورز لە سوپای تورک بدرێت، هێزەکانمان لە هەموو شوێنێکی عەفرینن، گورزیش لە بارەگاکانی سوپای تورک و چەتەکانی.

 

لەبارەی پڕپاگەندەکانی ئەردۆغانیشەوە، بەڕێوەبەریی خۆسەری دیموکراتیی عەفرین ڕایگەیاندووە: ڕاگەیاندنی سەرکەوتن لەلایەن ئەردۆغان و هاوکارانییەوە، خۆڵکردنە چاوی ڕایگشتیی تورکیا و جیهان بوو، هێزەکانمان هەموو شوێنێکیان لێ دەکەنە کابوس، بەرخۆدانی عەفرین تا ڕزگارکردنەوە بست بەبستی خاک و گەڕانەوەی دانیستووانی عەفرین بۆ شوێنەکانی خۆیان بەردەوام دەبێت.

 

لە کۆتایی لێدوانەکەدا، بەڕێوەبەریی خۆسەری دیموکراتیی عەفرین، بانگی لە هەموو کەسێک کرد، کە پشتگیریی عەفرین بکەن لەبەرامبەر ئەو سیاسەتە قڕکردنە و فشاریی مەدەنیی بکەن، بۆ ئەوەی بە فشارێکی نێودەوڵەتیی، هاوڵاتیان بگەڕێنەوە بۆ شوێنەکانی خۆیان، ئەەوەش هاتبوو: داواش لە نەتەوە یەکگرتووەکان و ئەنجومەنی ئاسایشی نێودەوڵەتیی دەکەین، کە بێدەنگ نەبن و فشار لە تورکیا بکات، بۆ ئەوەی شەڕی قڕکردن و چاندیی و سیاسیی لەبەرامبەر گەلەمان ڕاگرێت.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin