Smiley face
Smiley face
Smiley face

شوان سابیر: چاکسازییه‌کان له‌ دۆخێکى خراپدان

2018-03-17 15:42:55



ڕۆژنیوز - بڕیار محه‌مه‌د


شوان سابیر سه‌رۆکی تۆڕی دادپه‌روه‌ری بۆ به‌ندییه‌کان له‌ عێراق، ڕایده‌گه‌یه‌نێت ڕه‌شی چاکسازیه‌کان له‌ هه‌رێمى کوردستان له‌ دۆخێکی خراپدایه‌ و هه‌وڵه‌کانیش بۆ باشترکردنیان به‌رده‌وامه‌.


ئه‌مڕۆ له‌ شارى هه‌ولێر کۆبوونه‌وه‌یه‌ک له‌سه‌ر بارودۆخى زیندانیکراوان له‌ هه‌رێمى کوردستان و چاکسازییه‌کان له‌ناو زیندانه‌کان ئه‌نجامدرا.


شوان سابیر سه‌رۆکی تۆڕی دادپه‌روه‌ری بۆ به‌ندییه‌کان بۆ ڕۆژنیوز وتی: به‌داخه‌وه‌ له‌ هه‌رێمی کوردستان ڕه‌وشی چاکسازییه‌کان له‌ناو زیندانه‌کان له‌ دۆخێکی زۆر خراپدایه‌، ئه‌وه‌ش به‌هۆی نه‌بوونی شوێن گونجاو بۆ مانه‌وه‌ی تۆمه‌تباره‌کان و خراپی ڕه‌وشی ده‌رونی نێو زیندانه‌کان و نه‌بوونی شوێن بۆ ئه‌و منداڵانه‌ی که‌ له‌گه‌ڵ که‌سوکارییان زیندانی کراون، که‌ پێچه‌وانه‌ی هه‌موو بنه‌ما نێوده‌وڵه‌تییه‌کانه‌ که‌ بۆ منداڵان دیاری کراوه‌ .

 


ئه‌وه‌شى وت: تا ئێستا به‌رنامه‌یه‌کی تایبه‌ت نیه‌ بۆ به‌ندییه‌کان تاوه‌کو هاوکار بێت بۆ به‌ندییه‌کان له‌ کاتی ئازادکردنیان جارێکی تر تووشی تاوان نه‌بن و تێکه‌وڵاوی کۆمه‌ڵگا ببنه‌وه‌ .


سه‌رۆکی تۆڕی دادپه‌روه‌ری بۆ به‌ندییه‌کان وتیشی: به‌ داخه‌وه‌ دۆخی ته‌ندروستی له‌ نێو چاکسازیه‌کان به‌ به‌راورد به‌ ساڵانی ڕابردوو زۆر خراپتر بووه‌، ئه‌مه‌ش بۆ زۆربوونی  ژماره‌ی تاوانباره‌کان و خراپی شوێنی مانه‌وه‌یان ده‌گه‌ڕێته‌وه‌.


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin