Smiley face
Smiley face
Smiley face

هۆکار و چارەسەری زیادبوونی توندوتیژییەکان خرانەڕوو

2018-03-17 14:24:25



ڕۆژنیوز - ڕانیە

 

لە کۆنفرانسەکەی رژاک-دا هۆکارەکانی زیادبوونی توندوتیژیی دژ بە ژنان و چارەسەرییەکان خرانەڕوو.

 

کۆنفرانسی ڕژاک لە شارۆچکەی ڕانیەی ناوەندی ئیدارەی ڕاپەڕین بە دروشمی ´نا بۆ کۆمەڵکوژیی ژنان، بەڵێ بۆ چارەسەری ڕیشەیی`، لە چوارچێوەی هەڵمەتی ئازادی عەبدوڵا ئۆجەلان و چارەسەری به فکریدا بەردەوامە.

 

لە چوارچێوەی باسکردنی کێشە و توندوتیژییەکاندا هۆکار و چارەسەرییەکانیش لە لایەن ویژدان نورەجین و نیگار حەمەد و نەجیبە عومەر پێشکەشکرا.

 

ویژدان نورەدین ئەندامی ڕێکخراوی ژنانی ئازادی کوردستان وتی: بە پێی لێکۆڵینەوەکانمان توندوتیژی بەم شیوەیە پۆلێن دەکرێت:

 

 

هۆکاری یەکەم/ نەبوونی هۆشیاریی گشتی لە ناو تاکەکانی کۆمەڵگادا بەتایبەتی هوشیاریی زانستیی و مێژوویی و فەلسەفیی دەربارەی ژیان.

 

دووەم/ داب ونەریتی کۆمەڵگا و خێزان.

 

سێیەم/ سیستەمی خوێندن، بە شێوەیەکی نادیموکراتییانە و پەیوەندی نێوان مامۆستا و خوێندکار لەسەر بنەمای سەردەستە و ژێردەستە.

 

چوارەم/ ڕۆڵی نێگەتیفی ڕاگەیاندنەکان لە جێگر کردنی کلتور و فەرهەنگی خراپ لە ڕاگەیاندنەکاندا لە ڕێگای دراماکان و کلیپی گۆرانییەکان و ڕیکلام و هەواڵە ناتەندروستەکانەوە.

 

پێنجەم/ پەرەسەندنی سیستمی سەرمایەداریی لە هەرێمەکانماندا، کلتوری سەرمایەداریی بە واتای بێ هیوایی و زهنیەتی مادیەتگەرایەتی و لاوازبوونی پەیوەندی کۆمەڵایەتی و لاوازبوونی نرخی مەعنەویی و نرخی مرۆڤ بوون.

 

شەشەم/ نەبوونی یاسا و لێپرسینەوە، لە گەڵ ئەوەی لە هەرێمی کوردستاندا کۆمەڵێک یاسا هەن، بەڵام کاریان پێناکرێت و کۆمەڵێک یاساش بە ڕەگەزگەرایی نووسراونەتەوە و بووەتە هۆکاری تێیژکردنەوەی توندوتیژییەکان.

حەوتەم/ کێشەی ئابووریی: قووڵبوونەوەی قەیران بە ئاشکرا بووەتە هۆی گرفت، لە لایەک نەبوونی دەرفەتی کار و پەراوێزخستنی ژنان بووەتە هۆکاری زیاتر گرێدانی ژنان بە پیاوانەوە.

 

هەشتەم/ خراپی بەکارهێنانی ئاین لەپێناوی کۆیلەکردن و کۆنەپارێزیی کۆمەڵگا و باڵادەستبوونی دەسەڵاتداریی.

 

نۆهەم/ ڕۆڵی نێگەتیڤی پارتە سیاسییەکان بە هۆکاری نەبوونی پەروەردە و هوشیاریی و ڕۆشنگەری لە زۆرێک لە پارتە سیاسییەکاندا.

 

دەیەم/ کارا نەبوونی ڕێکخراوی مەدەنی و ڕێکخراوی ژنان.

 

هەروەها، نیگار سەمەد، چالاکوانی مەدەنیی باسی لەچارەسەرییەکان کرد بە چەند خاڵێک و وتی:  دەبێت بە ڕێگای جۆراوجۆر و بڵاوبکرێتەوە، بە تایبەت لە ڕێگای خێزان، کەرتی پەروەردە، کەناڵ و ڕاگەیاندنەکان، ڕێکخراو و چالاکوانەکان، ماوۆستایانی ئاینیی.

 

 

وتیشی: پێویستە تۆڕێکی هاوبەش پێکبهێندرێت بۆ ڕوودانی هەر کێشەیەک یان حاڵەتێکی نەخوازراو.

 

هەر سەبارەت بە چارەسەرییەکان، نەجیبە عومەر، ئەندامی دەستەی بەڕێوبەریی ڕژاک، چەند خاڵێکی خستەروو، کە بریتییبوون لە:

 

 

1-لەبەرئەوەی توندوتیژی زهنیتە، دەتوانینن لەبواری رۆشنکردنەوەی و هۆشیاریی فکرییەوە ئەم کێشەیە چارەسەربکەین، بەکردنەوەی ئەکادیمیای فکریی و سیاسیی  و ئابوریی کۆمەڵایەتی کەتێیدا فەلسەفەی ژیانی ئازاد و زانستی ژن (ژنۆلۆژیا )بخوێندرێت و تاکێکی دوورلەتوندوتیژی  بئافرێندرێـت.

 

2- پێشخستنی  پرۆژەی هاوژیانی ئازاد لەپێناو تێپەراندنی داب و نەریتی کلاسیکدا لەخێزان و کۆمەڵگادا، دەبێت هەڵمەتی هۆشیاریی دەست پێبکەین بۆ هۆشیارکردنەوەی تاکەکانی کۆمەڵگا لەسەر هاوسەرگیریی و بونیاتنانی خێزان دەبێت کەلتوری هاوژیانی پێش بخرێت.

 

3- پرۆژەی هاوپەیمانی کۆمەڵایەتی: لەپێناوی دیموکراتیزەکردنی کۆمەڵگاو بونیاتنانەوەی کۆمەڵگا لەسەر بنەمایەکی دیموکراسیی و بەیەکەوەژیانی هەردوورەگەز و هەموونەتەوەکان و هەموووباوەریەکان.

 

4-پرۆژەی چارەسەری سیاسیی: بەهۆکاری ئەوەی سیاسەت وەک مەیدانێکە بۆ تێکۆشانی ئازادیی و هۆشیاریی سیاسی پێویستیەکی هەمووتاکەکانی کۆمەڵگایە، لە سیاسەتدا چەندە ژن پەراوێزبکرێت و بەرەنگ و هەبوونی خۆی  هێندەش سیاسەتێکی گەندەڵ و نادیموکرات جێبەجی َدەکرێت.

 

5- پێشخستنی راگەیاندنی تایبەت بەژنان کەتێدا لەجێگەی زهنییەتی ڕەگەزگەرایی هۆشیاریی ڕەگەزیی لەسەربنەمای هاوسەنگیی ڕەگەزیی  پێش بخات.

 

6- پێشکەوتن لە بواری ئابوورییدا.

 

7-هەرچەندە یەکەمین یاسای ژیان کەبەناوی ئەخلاقی کۆمەڵگا پێشخراوە لەسەردەستی دایک پێشکەوتووە بۆئەوەی هاوسەنگی لەنێوان تاک و کۆمەڵگا رابگیردرێت بەو شێوەیەش  تەواوی ئەخلاق  وەک ویژدانی کۆمەڵگا رۆڵی گیراوە لەگەڵ لاوازبوونی ئەخلاق یاسا پێشخراوە.

 

8- بۆئەوەی ئاین وەک ئامرازێک لەدژی ژنان بەکارنەهێندرێت دەبێت وەک کەسانی شارەزالەبواری ئایندا گروپێک بەناوی ئاینی دیموکراتی دروست بکەین و کارلەسەرلایەنەباشەکانی دین بکەین لەرۆژی ئەمرۆداو رێگەبگرین لە خراب بەکارهێنانی ئاینەکان.

 

9- پێویستە بەهەموومانەوە کاربکەین بۆ گۆرینی سیستەمی پەروەردە بەئاراستەیەکی دیموکراتیدا بەتایبەتی بۆئەوە پەیوەندیی مامۆستا و خوێندکار وەک هاوڕێی یەکتری بن.

 

10-ئاکتیف بوونی رێکخراو گروپ و کۆمەڵی مەدەنیی دەتوانین باشترین رۆڵ بگێرن لە رێگەگرتن و بنەبڕکردنی توندوتیژییەکان.

 

11 لەچوارچێوەی کاری مەدەنییدا پێویستە ژنان  پەروەردەی جەستەییش ببینن و راهێنان بۆ ژنان بکرێتەوە.

 

.کۆنفڕانس بەردەوامی هەیە و لە کۆتاییدا ئەنجامنامە ڕادەگەیەندرێت.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin